web counter
LEXO PA REKLAMA!

SHKARKO APP

App Store
Google Play

E fundit!

x

Nga Mentor Kikia/ Nudistët e degjeneruar që na prishën moralin

6 Shtator 2019, 11:53, Sociale CNA

Shumica e mediave shqiptare u alarmuan dy ditët e fundit sepse ca të rinj të huaj, të paedukatë, po laheshin cullak në një plazh në Rrogozhinë.

Të rinj, që kishin mbërritur me rulota, po dëfrenin sipas qejfit të tyre. Padyshim që nuk mungojnë as ata që tymosin hashash, apo ndonjë drogë tjetër.
Në të gjithë mediat online shpërthyen titujt ?Seks kolektiv, nudizën dhe drogë në plazh?. Nga vidoja dukeshin 2-3 vajza toples, dhe një çift krejtësisht nudo, në ujë. Të tjerë që harboheshin duke pirë, e kërcyer pasi nuk kishin ardhur për konferencë shkencore.

Edhe? Çfarë është kjo histori dhe histeri? Në çdo vend e në çdo zonë turistike, ka njerëz që lahen nudo. Nuk ishte një nudizëm masiv që të justifikojë alarmin apo që po shqetësonte popullin namusqar shqiptar. Toples ka vajza që dalin edhe nëpër pishina e jo më në det. Sa për hashash, më mirë të mos flasim se do na zënë me gurë.

Kur po lexoja lajmet me ?Sex, drogë dhe Rock ‘n’ Roll? mu kujtuan vitet e para ?90, kur vinim në bufe kanaçet e Coca Cola-s, apo pijeve të tjera të huaja që filluan të futen në treg. I mbanin për suvenire.

Mos harroni, në fund ata të degjeneruarit, bënë edhe atë që nuk është parë kurrë në plazhet tona: I mblodhën të gjitha mbeturinat që bënë, i futën në qese të zeza dhe i bënë pirg, me shpresën se do të shkojë bashkia ti marrë. Por bashkia, kuptohen, nuk e ha atë kokërr ulliri. Aty të rrinë.





Lajmet e fundit nga