web counter
LEXO PA REKLAMA!

SHKARKO APP

App Store
Google Play

E fundit!

x

Tirana digjet, lali krihet

4 Shtator 2019, 17:42, Sociale CNA

Prej disa javësh, Tirana po vuan në krizë të thellë dhe një mungesë të madhe të ujit të pishëm apo furnizimit nëpër banesat e kryeqytetit. Tirana kryeqyteti i Shqipërisë ska ujë.

Asnjë fjalë deri më sot, asnjë sqarim, asnjë qëndrim nga Bashkia e Tiranës për këtë mungesë të vazhdueshme me orare të tejzgjatura të ujit të pishëm.

Ka zona që uji nuk shkon gjithë ditën, ka zona që uji shkon vetëm një apo dy orë dhe për disa të tjera, zgjidhja e vetme janë botet, por edhe ato në shumë raste denoncohen si abuzive, pra nuk janë me ujë të pishëm. Situata është emergjente.

Bashkia e Tiranës me ardhjen e Erion Veliajt, hodhi disa hapa dhe u shpreh për një reformë në lidhje me ujin e pishëm, duke dyfishuar çmimin e saj, çka nuk është se pati ndonjë revoltë të madhe në popull, por nga shumë qytetarë u mirëprit me idenë se do të zgjidhet çështja e furnizimit me ujë të pishëm.

Pas premtimit të kryebashkiakut Veliaj se do të kishte 24 orë ujë në tubat e tyre dhe refomës me dyfishim çmimi, e vërteta është krejt ndryshe.

Sot jemi përballë faktit, se prej disa ditësh uji në Tiranë mungon, nuk ka më shumë se një apo dy orë as depozitan nuk mbushen pasi ska presion dhe në shumë zona nuk ka hiç ujë.

Pra, ajo që tha Veliaj është thjesht një gënjeshtër. Mori më shumë para nga qytetarët më dyfishimin e çmimit dhe ujin e pakësoi.

Ndërkohë nga ana tjetër institucioni që e menaxhon, pra ujësjellësi i Tiranës në varësi të Bashkisë nuk thotë asnjë fjalë. Thjesht dhe vetëm justifikime, por ka rritur fitimet me disa milionë euro me rritjen e çmimeve, ndërsa qytetarët s’kanë ujë.

Nga ana tjetër Veliaj bën sikur s’ka ndodhur asgjë, shkon dhe na tregon disa shkolla të reja të rikonstruktuara. Shkon rrugëve të Europës e ndërkohë shpërndan kaseta nëpër televizione, sikur është në Tiranë, gjoja duke u marrë me punët e kryeqytetit që po digjet për ujë.

Në fakt nuk merret me themelin, nuk merret me problemin kryesor, nuk merret me ujin e pishëm.

Është fiks momenti për t’i thënë:

Tirana digjet, Erion Veliaj krihet./CNA.al





Lajmet e fundit nga