web counter
LEXO PA REKLAMA!

SHKARKO APP

App Store
Google Play

"Prokuroria nën urdhrat e Ramës"/ Basha zgjohet me akuza

12 Gusht 2019, 08:10, Politikë CNA

Kreu i PD-së, Lulzim Basha, ka akuzuar Prokurorinë se po zbaton urdhrat e kryeministrit Edi Rama.
Sipas Bashës, kryebashkiaku i Shkodrës Valdrin Pjetri duhet të merret i pandehur, por Rama i ka dhënë urdhër Prokurorisë që ta mbrojë.

“Edi Rama është kërcënim dhe rrezik për jetën dhe sigurinë e çdo familje shqiptare! Ai ka uzurpuar të gjitha pushtetet me një bandë kriminelësh e hajdutësh që i duhen për të vjedhur Shqipërinë.
Valdrin Pjetri duhet të merret urgjentisht i pandehur sepse ka shkelur Ligjin e Dekriminalizimit duke fshehur të dhënat mbi të kaluarën e tij si trafikant droge.

Por Edi Rama i ka dhënë urdhër prokurorisë së korruptuar që ta mbrojë nga ligji i dekriminalizimit”, shkruan Basha në rrjetet sociale.

Sipas të njëjtit, për sa kohë Edi Rama është në zyrën e kryeministrit, nuk do ketë as drejtësi dhe as demokraci, banditët, kriminelët dhe hajdutët do të sundojnë Shqipërinë.

“Krimi dhe Edi Rama janë të pandashëm. Që të largojmë krimin duhet të largojmë Edi Ramën! Shporrja e Hajdutit Psiqik dhe bandës së tij është jetike për sigurinë dhe jetën e çdo familje shqiptare! #HajdutiPsiqik #RamaIk”, është shprehur më tej Basha./CNA.al





Lajmet e fundit nga