web counter
LEXO PA REKLAMA!

SHKARKO APP

App Store
Google Play

E fundit!

x

Mediu “tradhëton” Bashën/ “PR do regjistrohet në zgjedhje, të gatshëm të negociojmë me Ramën”

29 Korrik 2019, 15:30, Politikë CNA

Kryetari i Partisë Republikane Fatmir Mediu është shprehur pro dekretit të Presidentit Meta, për zgjedhjet e 13 tetorit.

Në një prononcimin për A2 CNN, Mediu është shprehur i gatshëm që të shkojnë në zgjedhje, duke dalë kështu kundër kryetarit të opozitës, Lulzim Basha, i cili pavarësisht se ka pranuar se e njeh 13 tetorin, nuk hyn në zgjedhe pa u plotësuar kushtet që të jenë të lira dhe të ndershme, çka sipas tij kjo nuk mund të ndodhë me Edi Ramën Kryeministër.

?Padyshim që do të regjistrohemi në zgjedhjet e 13 tetorit. Unë mendoj se detyra e një force politike është dhe në mënyrë të veçantë i opozitës është respektimi i Kushtetutës. Unë nuk jam as euforik, por as naiv për të moskuptuar realitetin politik që ka Shqipëria.

Por ajo që është e rëndësishme për një forcë politike, ndryshe nga institucionet e tjera që merren me diskutime të ideve politike, është që një forcë politike të ndërmarrë të gjitha hapat për të ndërtuar një raport të drejtë me qytetarët dhe për të ndryshuar një realitet që është i papranueshëm për ta.

Kundërshtarin politik t?i nuk e zgjedh dot, ai është zgjedhur nga dikush tjetër. Mendoj se ndonjëherë është më mirë të merresh me atë që ke kundërshtar të drejtpërdrejt politik se sa me vegla të kundërshtarit politik. Kjo e kthen pastaj dialogun në mënyrë qesharake.

Është shumë e rëndësishme që ne të arrijmë në një mirëkuptim, nëpërmjet negociatave që ne të zgjidhim këto probleme për të garantuar që të kemi një qeverisje tranzitore, e cila nuk do të jetë më një qeverisje e Ramës, por një qeverisje e një vullneti politik për të garantuar zgjedhje të lira dhe të ndershme, por pa Ramën Kryeministër?, tha Mediu më tej./CNA.al

 





Lajmet e fundit nga