Meta mesazh Ramës/ Nuk heq dorë nga 13 tetori

26 Korrik 2019, 11:40, Politikë CNA

Presidenti i Republikës, Ilir Meta, në një deklaratë për mediat nga qyteti i Durrësit ka folur për situatën politike në vend.

Ndër të tjera Meta tha se shqetësohet nga “teatri politik” që po ndodh në vendin tonë, gjë e cila rrezikon edhe hapjen e negociatave në tetor.

?Besoj që jam shprehur qartë. Na shqetëson shumë ky teatri i madh politik, që kërcënon që Shqipërinë të thërrmojë çdo mundësi për të çelur negociatat në tetor. Prandaj u bëj thirrje që t’i japin fund dhe të marrin masa për zgjedhjet vendore në 13 Tetor. Qytetarët kanë nevojë të kenë qetësi dhe zgjedhje legjitime. Nuk kemi kohë, jo vetëm për të parandaluar përshkallëzimin e kësaj situate.

Sot kemi një parlament që nuk jep llogari para askujt, një shumicë që kontrollon gjithcka, një situatë kaotike në të gjitha drejtimet, përgjegjësi e të gjitha palëve, asnjë nuk mund të shfajësohet, opozita ka pasur mundësi për për të parandaluar shumë nga këto marrëzitë e kapjes së institucioneve. Shqipëria nuk mund të ecë në dy rrugë që nuk takohen me njëra tjetrën; rruga e kapjes së institucioneve dhe delegjitimimit të të gjitha institucioneve” tha Meta

Po ashtu, Meta tha se i ka dërguar një letër sekretarit të përgjithshëm të OSBE-së Thomas Greminger, ministrit të Jashtëm të Sllovakisë Miroslav Laj?ák (që ka kryesimin e radhës) dhe Presidentit të Asamblesë së OSBE-së që të ndërmjetësojnë zgjidhjen e krizës në Shqipëri mes shumicës dhe opozitës. Nga Durrësi, kreu i shtetit tha se në prag të marrjes së kryesimit të Presidencës së OSBE-së, Shqipëria duhet të jetë një shembull.

“Sot kam formalizuar një letër drejtuar sekretarit të përgjithshëm të OSBE-së që vizitoi dje Tiranën por edhe kryetarit të radhës, ministrit të Sllovakisë dhe Presidentit të Asamblesë së OSBE-së, meqë Shqipëria përgatitet për të marrë kryesimin e OSBE-së vitin e ardhshëm për të negociuar me të dyja palët për një arritje të një zgjidhje sa më të shpejtë në ditët që vijnë, pasi nuk kemi kohë, jo vetëm për të parandaluar përshkallëzimin por edhe të padenjë për një vend që duhet të jetë shembull në kryesimin e OSBE-së për funksionimin e institucioneve demokratike” tha ai./CNA.al