web counter
LEXO PA REKLAMA!

SHKARKO APP

App Store
Google Play

Aksioni opozitar/ Basha takim me demokratët në Himarë

26 Korrik 2019, 08:21, Politikë CNA

Kreu i PD-së, Lulzim Basha, në kuadër të turit të takimeve që po zhvillon në jug të vendit ishte sot edhe në Himarë.

Basha foli për zgjedhjet e 30 qershorit duke theksuar faktin që shqiptarët e refuzuan kryeministrin Edi Rama dhe shtoi se OSBE/ODIHR tregoi që ai nuk mund të organizojë zgjedhje të lira e të ndershme.

?Në praninë e OSBE/ODIHR-it u faktua se ky njeri është i paaftë të organizojë zgjedhje të lira. Në këtë kuadër, përpjekja jonë opozitare jo vetëm që korri një sukses të plotë, por po ashtu bëri një matje shumë më të rëndësishme se çdo sondazh. Të gjitha sondazhet na nxjerrin forcë fituese, e nxjerrin opozitën shumicë qeverisëse, po sondazhi më i rëndësishëm ishte ai i 30 qershorit, ku 85 % e qytetarëve e refuzuan në mënyrë masive regjimin. Kjo është shumica ?Rama ik?. ? u shpreh Kryetari Basha në takimin me demokratët e Himarës.

Kreu i opozitës tha se kjo bashki është pasqyra më e mirë e problematikës së vendit: grabitje e pronave, hajdutëri e hapur qeveritare, paligjshmëri, shkatërrim i sipërmarrjes së vogël e të mesme, mungesë totale e vizionit për zhvillimin ekonomik, në veçanti në fushën e turizmit apo të shfrytëzimit të detit dhe, mbi të gjitha, mungesën totale të çdo lloj përkujdesjeje ndaj intereresit qytetar.

?Interesi publik është i pari që sakrifikohet për interesat e Edi Ramës dhe një grushti njerëzish, me të cilët ka kapur dhe ka mbajtur pushtetin gjithë këto vite? ? theksoi Basha në Hinarë, ku vuri në dukje rritjen e besimit për PD dhe bashkëpunimin e saj me çdo faktor lokal dhe kombëtar për të sjellë sa më shpejt ndryshimin./CNA.al





Lajmet e fundit nga