web counter
LEXO PA REKLAMA!

SHKARKO APP

App Store
Google Play

E fundit!

x

CNA.al pyet Veliaj/ Kur do flasësh për "vrasjen" e Ardit Gjoklajt?

11 Korrik 2019, 08:56, Aktualitet CNA

Po bëhen rreth tre vite, kur 17 vjeçari Ardit Gjoklaj ka humbur jetën tragjikisht në landfillin e Sharrës.

Drejtësia e ka nëpërkëmbur këtë çështje, janë tallur me të ndjerin Gjoklaj, por të njëjtën gjë dyshohet se ka bërë edhe kryebashkiaku i Tiranës Erion Veliaj.

Po bëhen tre vjet që Veliaj nuk flet për të vërtetat e kësaj vrasjeje, por gjithnjë i referohet vendimit të Gjykatës së Shkallës së parë, vendim që është ankimuar nga Prokuroria.

Është fjala për Prokurorinë, me të cilën Veliaj dyshohet se është përfshirë në pazare.

I gjithë opinioni publik e mban mend foton e Erion Veliajt me ish kreun e Prokurorisë së Tiranës, Petrit Fusha në një nga restorantet e kryeqytetit, pas humbjes së jetës së Ardit Gjoklajt.

CNA.al i është drejtuar me një letër Veliaj, duke kërkuar qëndrimin e tij në lidhje me këtë rast?

“Cili është qëndrimi juaj në lidhje me ngjarjen e vitit 2016, në landfillin e Sharrës, ku ka mbetur i vrarë Ardit Gjokaj? Pse heshtni, ndërkohë që ndaj jush janë ngritur dyshime dhe janë hedhur akuza, në lidhje me bllokimin e dokumentarëve dhe investigimeve në media, në lidhje me këtë rast? A ndjeni të paktën përgjegjësi morale për këtë ngjarje të rëndë?”, janë pyetjet që CNA.al, i ka dërguar Veliajt.

Derisa janë bllokuar investigime dhe dokumentare, ku është trajtuar rasti i Ardit Gjoklajt dhe ajo çfarë e lidh këtë rast me kryebashkiakun e Tiranës, Veliaj të paktën duhet të ndjejë përgjegjësi morale që të flasë.

Të justifikohet apo të mbrohet kjo është punë e tij, por Veliaj i detyrohet një shpjegim opinionit publik.

Gjykata e vrau për së dyti Ardit Gjoklajt dhe Veliaj ndjek linjën e Gjykatës.

Në vendimin skandaloz me numër 1170, datë 17.04.2018 të Gjykatës së Shkallës së Parë të Tiranës, thuhet se Ardit Gjoklaj ishte vrarë jashtë landfillit të Sharrës dhe më pas është dërguar aty.

Kush e dërgoi aty apo nga hyri, Gjykata nuk merr përsipër ta sqarojë apo të kërkojë hetime të mëtejshme.

Ndërkohë, Veliaj duket se e bën të qetë gjumin, mbi klithmat e fundit të jetës së 17 vjeçarit Ardit Gjoklaj.  Fol, Erion dhe mos hesht, që nesër apo pasnesër, një i ri tjetër të mos ketë fatin e Arditit! /CNA.al

Vrasja e Ardit Gjoklajt/ Prokuroria dhe Gjykata në shërbim të Veliajt

Shënim/ Kur do ta thotë Veliaj të vërtetën për vrasjen e Ardit Gjoklajt?  

Pse tmerrohet Erion Veliaj nga vrasja e Ardit Gjoklajt

Veliajt i bie maska e propagandës/ Qytetarët refuzojnë ?vrasësin? e Ardit Gjoklajt

?Të vret natën dhe të qan ditën?/ Bamirësi Erion Veliaj, i “përlyer me gjakun” e Ardit Gjoklajt

Petrit Fusha “vrau” Ardit Gjoklajn në bashkëpunim me Veliajn/ “Peshku i madh” drejt prangave

Skandali me dosjen e ?Ardit Gjoklajt?/ Prokurori deklaron ?fajtor? viktimën





Lajmet e fundit nga