web counter
LEXO PA REKLAMA!

SHKARKO APP

App Store
Google Play

E fundit!

x

Takimi me Glover/ Kryemadhi zbulon çfarë u diskutua

10 Korrik 2019, 14:57, Aktualitet CNA

Kryetarja e LSI-së, Monika Kryemadhi në një postim në rrjetet sociale ka dhënë detaje për takimin e sja me shefen e OSBE-OHDIR Audrey Glover.

Kryemadhi shkruan se i ka dorëzuar zonjës Glover një dosje voluminoze me parregullsitë e zgjedhjeve të 30 Qershorit.

Sipas Kryemadhit është e turpshme që pas 29 vitesh pluralizëm në Shqipëri ka akoma parregullësi në procesin zgjedhor.

?Sot pata kënaqësinë të takoja Ambasadoren Audrey Glover.

I dorëzova asaj një dosje voluminoze me të gjitha shkeljet e Kushtetutës dhe Kodit Zgjedhor për votimet moniste të 30 qershorit.

Është shumë e rëndë për demokracinë shqiptare dhe turp për klasën politike që 29 vite pas vendosjes së demokracisë pluraliste, vazhdojmë flasim për pamundësi mbajtjesh së proceseve zgjedhore në respekt të ligjit.

Akoma nuk kemi një proces zgjedhor ku qytetarët të votojnë të lirë e në mënyrë të fshehtë pa ndikimin e krimit të organizuar dhe intimidimin e tyre me bukën e gojës apo vendin e punës, si dhe ku rezultati në reflektimin e vullnetit real të qytetarëve të jetë i gjithëpranuar nga palët.

Votimet farsë të 30 qershorit ishin maskarada më e madhe, por besoj edhe e fundit! Shqipëria do ketë zgjedhje demokratike, sipas parimeve europiane, nga të cilat do dalin përfaqësues që do rivendosin shtetin e së drejtës dhe rrugëtimin evropian të Shqipërisë në rrugën e duhur?,-shkruan Kryemadhi./CNA.al





Lajmet e fundit nga