E fundit!

16:37 Aktualitet

Paratë e futura në qese të zeza/ Publikohen pamjet brenda filialit të Postës Shqiptare në Durrës

Janë publikuar pamjet e kamerave të sigurisë brenda zyrave...

“Nuk ka më hakmarrje”/ Ditmir Bushati mesazh shkodranëve

10 Korrik 2019, 13:20, Aktualitet CNA

Ish-ministri i Jashtëm, Ditmir Bushati gjatë një prononcimi për mediat, i ka drejtuar një mesazh qytetarëve të Shkodrës.

Edhe pse socialistët fituan Bashkinë e Shkodrës, Ditmir Bushati tha se nuk do të ketë hakmarrje.

Bushati tha se nuk është i nevojshëm një vetëviktimizim, pasi Shkodra ka nevojë për punë.

?Nuk do të ketë asnjë hakmarrje në Shkodër. Dhe nga ana tjetër nuk ka nevojë të fillojmë procesin e vetëviktimizimit në Shkodër. E thashë, Shkodra ka nevojë për punë, ka nevojë për një kryetar të përkushtuar 24 orë, ka nevojë për një këshill bashkiak që miraton politikat më të mira publike për bashkinë. Ka një handikap që opozita nuk do të jetë as në këshillin bashkiak. E dini shumë mirë ju gazetarët e Shkodrës, e keni raportuar shpesh, bashkia mbyllej dhe një pjesë e institucioneve apo ndërmarrjeve të saj në varësi vinin në Tiranë për të bërë protestën, qoftë dhe gjatë ditëve të punës. Besoj që ne do të vendosim një standard të ri dhe në këtë drejtim. Nuk kemi asnjë plan e aq më tepër ambicie për të ndërtuar një bashki të karakterit politik që mund ti shërbente vetëm një grupi njerëzish, sepse mendojmë që bashkia duhet që të jetë në qendër të vëmendjes për gjithë qytetarët e Shkodrës?, tha Bushati.

Referuar analizës së bërë ai shtoi se është lexuar me kujdes dhe realizëm procesi i 30 qershorit, pasi është shumë e rëndësishme që bashkia të fillojë të bëjë punë për të gjithë qytetarët, jo thjesht për ata që kanë mbështetur PS.

I pyetur për pjesëmarrjen e ulët në zgjedhje në Shkodër, dhe kandidatit pa rival, Bushati tha se kishte një qasje obstruksioniste.

?Kishte një qasje osbtruksioniste, dhe në një garë ku nuk ka më shumë se një kandidat është deri diku e kuptueshme që s?do të ketë një pjesëmarrje apo emocionin e një gare të zakonshme. Kjo na bën dyfish më të kujdesshëm për të administruar bashkinë Shkodër në mënyrë dinjitoze dhe moderne për gjithë qytetarët e Shkodrës, qoftë për ata që kanë votuar e mbështetur Valdrinin, qoftë për ata që nuk e kanë besuar për asnjë ditë apo që kanë zgjedhur për të qëndruar në shtëpi dhe nuk kanë dalë në kutitë e votimit?, tha Bushati.