web counter
LEXO PA REKLAMA!

SHKARKO APP

App Store
Google Play

Rama thirrje kuksianëve / “Mos humbni Anglinë për partinë”

25 Qershor 2019, 17:16, Aktualitet CNA

Kryeministri Edi Rama ka folur sot nga Kukësi, ku ka mbajtur një fjalim elektoral, lidhur me zgjedhjet lokale të 30 Qershorit.

Rama foli,  ndër të tjera, për krimet elektorale, duke iu drejtuar qytetarëve të Kukësit me fjalët: ?A ia vlen ta humbin Anglinë për Lulin, Saliun dhe Mulin?”dhe duke bërë kështu thirrje për të mos u bërë pjesë e konflikteve në zgjedhjet e 30 Qershorit.

?Do të kenë mundësi të vijnë dhe të kthehen këtu direkt nga Londra në këtë aeroport, i cili do të jetë një aeroport jo thjesht i Kukësit, por përfshinë edhe pjesën tjetër në anën tjetër të kufirit. Kjo është arsyeja sepse investitorët janë këtu. Unë dua t?u them djemve të Kukësit që janë me PD: A ia vlen të humbni Anglinë për partinë? dhe për kë: për Lulin, Saliun, Mulin, Bashkimin. Është i rrëzuar Ilir Meta, Lulzim Basha se Saliu edhe kur është i rrëzuar duket sikur është në këmbë. Nuk po flas për fallxhoren. Ajo nuk është e rrëzuar, është e zhytur në kafe turke. Për këta, demokratët duhet t?ia lejonin vetes këtë turp që të imitonin ato çetat e enveristëve. 30 vjet pasi ka rënë komunizmi, të shfaqen fantazmat. Në fund të ditës është interesi i familjes që duhet vënë në peshore. Çfarë do të mbrojnë ata në 30 Qershor, do dalin të japin një kontribut që Shqipëria të dalë keq. Këtu kemi sjell një njeri që e gjetëm midis jush, ndërsa ai është një njeri që ju bën krenarë. Ka ardhur dita që më mirë të mos jesh doktor shkencash, por është njëri i punës,?- ka thënë Rama, ndër të tjera./CNA.al





Lajmet e fundit nga