LEXO PA REKLAMA!

SHKARKO APP

Shënim/ Lulzim Basha si papagall

2 Qershor 2019, 21:05, Aktualitet CNA
Shënim/ Lulzim Basha si papagall

?Protesta më e madhe që ka parë ndonjëherë Shqipëria në këto 30 vite, Edi Rama ka rënë? dhe himni kombëtar janë bërë “trinitë” e artikuluara sistematikisht nga Lulzim Basha nëpër 12 protestat e zhvilluara deri më sot nga opozita.

Protestë pas proteste, Basha deklaron në mbyllje të tyre, se ajo për të cilën e ka fjalën ishte protesta më e madhe e 30 viteve të fundit, shprehje kjo e cila është një tallje me demokratët dhe protestuesit që e ndjekin. Sikurse bën të njëjtën gjë dhe me rrëzimin e Edi Ramës, që edhe pse e deklaruan të rrëzuar, nga protesta në protestë e ngre sërish në detyrë dhe e rrëzon, po sërish… Qesharake por, një e vërtetë e konstatuar lehtësisht nëse do të ndjekësh ato ç’ka Basha deklaron nga njëra protestë në tjetrën.

Ndodh kjo pasi mesa duket Basha i ka mësuar përmendësh këto vargje dhe si një papagall i vërtetë përsërit të njëjtën gjë, pa i kushtuar pak vëmendje protestave, realisht, për të parë sesa persona ka nga njëra protestë në tjetrën.

Nga të shtatë protestat kombëtare që Lulzim Basha ka zhvilluar, ajo e 16 Shkurtit, sipas vlerësimit të tij, ka qënë me e madhja, nga të tjerat, por prapë, edhe pse i kanë firuar njerëzit, Basha thotë që çdo protestë është më e madhja.

Sot e zgjeroi kraterin kur deklaroi se: ?Kjo ishte protesta me praninë më të madhe që ka parë Ballkani dhe Europa. Kjo është protesta më e madhe që ka parë Shqipëria në këto 30 vite?

Një tjetër gënjeshtër e përsëritur e Lulzim Bashës, në rolin e papagallit, është edhe shprehja ?Edi Rama ka rënë?, kur, në fakt, ky i fundit vazhdon fushatën e tij elektorale për zgjedhjet e 30 Qershorit.

Nga 16 Shkurti e deri më tani bëhen gati 3 muaj e gjysëm që protestohet dhe deklarohet nga Lulzim Basha “rrësimi i Ramës”, pra që Rama ka rënë 7 herë dhe është ngritur po kaq herë, sepse aq protesta ka zhvilluar opozita.

Ndërkohë me datën 8 Qershor do të jetë e 8-ta, që e garantuar se do të shënojë rënien e tetë e Edi Ramës./CNA.al

Lajmet e fundit nga