web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet vendore/ PS nis sot zyrtarisht fushatën

1 Qershor 2019, 07:33, Aktualitet CNA

Pavarësisht vendimit të opozitës jashtë parlamentit për të mos hyrë në zgjehdje, Partia Socialiste do të nisë sot zyrtarisht fushatën për garën elektorale të 30 qershorit.

Mësohet se socialistët do të ?ndezin motorët? e fushatës pasditen e sotme nga Parku Olimpik në Tiranë.

Të 61 kandidatët e PS-së së bashku me kandidatët për këshillat bashkiakë, do të mblidhen ne orën 16:00, në sallën qëndrore të Parkut Olimpik.

Çelja e fushatës së PS-së është konceptuar si një prezantim i kandidatëve, që garojnë për të marrë drejtimin e 61 bashkive.

Nga ana tjetër, kryeministri Rama mëngjesin e sotëm, ka drejtuar letrën e shtatë publike, kësaj radhe jo për kreun e PD-së Lulzim Basha, por për bashkëqytetarët demokratë.

Ndërsa shprehet se nuk ka kthim pas dhe se zgjedhjet do të mbahen me 30 qershor, Rama iu kujton demokratëve se kushdo që tenton të prishë proçesin zgjedhor rrezikon burgun.

?Edhe dy fjalë për moslejimin e zgjedhjeve. Eshtë krim dhe ndëshkohet rëndë nga Kodi Penal i Republikës së Shqipërisë, kushdo që e kryen një krim të tillë. Po jo vetëm kaq, cilido që do të kuturisej të prekte një hallkë të vetme të procesit zgjedhor dhe do të dënohej më pas për krime zgjedhore në Shqipëri, nuk do ta kishte më të mundur të shkelte për gjithë jetën në Shtetet e Bashkuara (do të merrte në qafë edhe familjarët e afërt sipas ligjit përkatës në SHBA) dhe as do të kalonte dot më, kontrollin e kufijve të Bashkimit Europian duke u përfshirë në listën e kompjuterizuar të personave me rekorde kriminale, të cilët nuk hyjnë dot në territorin e Unionit.

A i?a vlejnë të gjitha këto pasoja të rënda për të shkuar pas berihait? Nuk besoj dhe jam i bindur se nuk do të ketë njerëz të zakonshëm, që të bëhen pjesë e një marrëzie kaq të jashtëzakonshme.?-thuhet ndër të tjera në letrën e Ramës./ CNA.al

Letra e shtatë publike/ Rama i drejtohet demokratëve





Lajmet e fundit nga