E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

200 mijë euro për të blerë zgjedhjet/ Si e përdori Meta, Kastriot Ismailajn

27 Maj 2019, 09:27, Aktualitet CNA

Dy ditë përpara se të mbaheshin zgjedhjet vendore të vitit 2009, biznesmeni Kastriot Ismailaj, ishte kontaktuar me anë të një mesazhi telefonik nga Ilir Meta, i cili i kërkonte 200 mijë euro.

Kjo SMS ka rënë në duart e Prokurorisë, në kohën kur Kastriot Ismailaj ishte vënë në përgjim në vitin 2008.

Me datë 22 qershor të vitit 2009, sipas gazetarit Artan Hoxha, Ismailaj ishte kontaktuar nga Ilir Meta në atë kohë kreu i LSI-së, i cili i kishte kërkuar 200 mijë euro. SMS rezulton të jetë dërguar me datë 22 qershor 2009 në orën 17:27. “Nesër në darkë (më 23 qershor), duhet të takohemi patjetër. Më duhen 200 mijë patjetër. Mos harro”, thuhej në SMS.

Ky përgjim ka qenë i dokumentuar në dosjen “978”, e cila është pushuar, dhe të gjitha përgjimet e transkiptuara dhe disqet janë asgjësuar me një vendim gjykate në dhjetor 2010.

Kjo dosje është pushuar menjëherë pas ardhjes në pushtet të Ilir Metës, në kohën që bëri aleancë me Partinë Demokratike.

?Nga gjithë dosja e përgjigjeve kur është bërë pushimi në 2010, ka dalë një vendim ku është kërkuar të bëhet asgjësimi i transkipteve se çështja ishte pushuar, ky fakt ka bërë që kjo pjesë e transkipteve të asgjësohen. Kur është rihapur çështja në 2015, ato prova nuk ekzistonin më. Kur i kemi publikuar në 2016, na është thënë që është e vërtetë që ka ndodhur, përgjimi është i vërtetë, por nuk mund të përdoret më si provë, pasi përgjimet janë asgjësuar?, ka deklaruar më herët gazetari Artan Hoxha.

Sipas të njëjtit edhe pas përfshirjes së një personi me imunitet, përgjimi ka vazhduar, por kjo çështje nuk shkoi në gjykim.

Po, cila është lidhje e personit me imunitet, që në këtë rast është Ilir Meta me biznesmenin Kastriot Ismailaj?

Kujtojmë se disa vite më parë, Ilir Meta, në kohën që ishte kreu i LSI, u vu në qendër të akuzave me pretendimin se rekomandoi Kastriot Ismailajn si ?njeriun e tij të besuar? për mbledhjen e borxheve të vjetra për llogari të CEZ Shpërndarje.

Bëhet fjalë për një kontratë që i kushtoi 4.5 milionë euro kompanisë dhe që u bë objekt hetimi nga Prokuroria.

Sipas dëshmisë së Jozef Hejsek, ish-shefit ekzekutiv të CEZ Shpërndarje, dhënë më 26 tetor 2014 në Pragë për llogari të avokatëve të studios ligjore të OSHEE-së, Clifford Chance, Ismailaj u trajtua si ?kandidati? i qeverisë shqiptare për mbledhjen e borxheve të vjetra, pasi u prezantua si aleati i ngushtë i ministrit të Punëve të Jashtme.

Dëshmia e Hejsek konsiderohej si një provë ?kyçe? e procesit që po zhvillohej në gjykatën e arbitrazhit në Vjenë, ku kompania e Kastriot Ismailajt, Debt International Advisory, DIA kërkon 130 milionë euro dëmshpërblim për prishjen e kontratës nga OSHEE.

Rihapja e hetimeve

Edhe pse hetimet për dosjen 978 janë rihapur në vitin 2015, provat nuk mund të përdoreshin më, pasi përgjimet, përfshirë këtu edhe SMS dhe telefonatat e Metës me Ismailajn ishin asgjësuar.

Çështja u rihap, gjatë aferës CEZ-DIA, ku Ismailaj synonte të merrte ne arbitrazh 130 milionë euro nga shteti shqiptar. Por këtë radhë ai nuk e kishte me mbeshtetjen e Metes dhe jo vetëm që nuk doli i pafajshëm por iu sekuestrua dhe pensioni i nënës se vet duke u dënuar rëndë.

Sipas gazetarit Artan Hoxha, gjatë kohës që Ismailaj u arrestua atij iu premtua disa herë nga njerëz të afërt të Metës përfshirë baba Takun që e takoi fshehurazi disa herë në burg, se nëse nuk fliste dhe nuk përmendte emrin e Metës ai do të lirohej.

Ismailaj e pranoi marrëveshjen duke heshtur për dy vite, por kur e kuptoi që ia kishin hedhur i kërkoi trupit gjykues një seancë para vendimit se do të dëshmonte gjithë të vërtetën. Por, gjykata nuk pranoi dëshminë e tij, madje nuk e lejoi të fliste dhe e dënoi.

Por pavarësisht se janë asgjësuar përgjimet, Kastriot Ismailaj është gjallë dhe prokuroria, nëse ka vullnetin për ta rihetuar këtë çështje gjen prova dhe dëshmi./CNA.al

Transferta milionëshe nga Afrika e Jugut në Britani/ Kush fshihej pas Kastriot Ismailajt?

Përgjimet fundosin Ilir Metën?/ Bleu vota me para të kompanive ofshore, zbardhet skema

Prokurori asgjësoi përgjimet e Ilir Metës/ Gentjan Osmani përfshihet në skandal

Plas skandali/ Ilir Meta bleu zgjedhjet e 2009, zbulohen pazaret e tij

Dosja “978”/ CNA.al paralajmëron publikimin e fakteve të rënda