Borchardt thirrje për pjesëmarrje të gjerë në zgjedhje/ "Kontrolloni pushtetin"

17 Maj 2019, 11:05, Aktualitet CNA

Përfaqësuesi i OSBE-së në Shqipëri, Bernd Borchardt ka qenë i ftuar në konferencën “Fytyra e armikut të popullit…” ku edhe ka mbajtur një fjalim të gjatë.

Pasi sqaron se çfarë është armiku i popullit dhe si çfarë kuptojnë dijetarët ndër shekuj me këtë term, ai ndalet tek Robespieri dhe koncepti i tij për armikun e popullit, i cili ka ndikur në botëkuptimin e shumë diktatorëve.

Borchardt sqaron se me rëndësi është të kuçtojmë se si të kontrollojmë pushtetin dhe jo të pyesim se kush do të qeverisë.

“Zgjedhjet e rregullta me pjesëmarrje të gjerë, institucionet e pavarura, shteti ligjor i pakorruptuar, shoqëritë e hapura, ku qytetarët kanë të drejtën e informimit, në mënyrë që të kontrollojnë pushtetin dhe të marrin vendimet duke pasur në dorë faktet .” tha ndër të tjera Borchardt.

Pjesë nga fjala e Borchardt në konferencë

Karl Popper na mësoi se pyetja ?kush duhet të qeverisë? është e gabuar. Kjo pyetje ka çuar në diktaturat mizore të shumicave, në ?vullnetin e përgjithshëm? të mishëruar në një udhëheqës të vetëm, ose në ?vullnetin e proletariatit? të mishëruar në partinë komuniste, apo në vullnetin për të shfarosur popullsinë hebraike të mishëruar te Fyhreri.

Pyetja që Popper ofron si alternativë është: Si të kontrollojmë përdorimin e pushtetit, si të pengojmë abuzimin e pushtetit? Zgjedhjet e rregullta me pjesëmarrje të gjerë, institucionet e pavarura, shteti ligjor i pakorruptuar, shoqëritë e hapura, ku qytetarët kanë të drejtën e informimit, në mënyrë që të kontrollojnë pushtetin dhe të marrin vendimet duke pasur në dorë faktet – janë përgjigjet e tij thelbësore. Shqipëria ka ende mjaft rrugë për të bërë përpara se të arrijë në këtë stad ideal. Siç e kemi parë, rruga është e mbushur me sfida, madje edhe në demokracitë shekullore. Ne, si Prezencë e OSBE-së, jemi këtu për ta ndihmuar Shqipërinë që të vijojë të ecë në këtë rrugë. Nuk është çudi që Hitleri, Lenini, Mao dhe Pol Poti e admironin Robespierin dhe u bazuan në konceptin e tij për luftën kundër armiqve të deklaruar të popullit: Hitleri me hebrenjtë, Leninime borgjezinë dhe menshevikët e kështu me radhë. Unë nuk e di nëse Enver Hoxha e përmendte Robespierin, por ai vepronte sipas mësimeve të tij./ CNA.al