web counter
LEXO PA REKLAMA!

SHKARKO APP

App Store
Google Play

Shpëtim Idrizi bojkoton takimin e Bashës/ Shmang Vangjel Dulen

15 Maj 2019, 11:24, Aktualitet CNA

Kryetari i Partisë Demokratike, Lulzim Basha ka mbledhur sot në një takim krerët e partive aleate, për të diskutuar në lidhje me detajet e aksionit opozitar në vijim.

Por, ndërkohë në këtë takim është vënë re mungesa e kreut të PDIU-së, Shpëtim Idrizi.

Shkak për mungesën e përfaqësuesit të partisë çame në këtë takim, duket se është bërë prania e liderit të PBDNJ-së, Vangjel Dule.

Partia e minorancës greke dhe partia çame janë politikisht të pozicionuara në anë të kundërt edhe pse Basha pretendon ti ketë bashkuar, faktet tregojnë se aty ku është Dule, nuk është Idrizi, ose aty ku shkon Idrizi, nuk shkon Dule.

Në një vëzhgim që ka bërë CNA.al, nga të gjitha takimet e koalicionit, asnjëherë nuk kanë qënë bashkë Dule dhe Idrizi.

Edhe në takimin që Lulzim Basha bëri me aleatët opozitarë në fillim të muajit maj, për të prezantuar platformën për zgjedhje të lira dhe të ndershme, si dhe detyrat e qeverisë tranzitore, mungonte aleati i tij Vangjel Dule, pasi aty ka qënë Shpëtim Idrizi.

Ose është njeri ose tjetri në takime, duke shmangur kështu qëndrimin bashkë në koalicion. Për më tepër, nuk mund të gjesh asnjë foto të Dules dhe Idrizit bashkë, të cilët kanë një përplasje të fortë në themelet e partive që drejtojnë.

Njëra me tezat pro greke dhe çamët me kërkesat për pronat dhe të drejtat e tyre në Çamëri e Greqi./ CNA.al

Plas në koalicionin opozitar/ Dule apo Idrizi ?





Lajmet e fundit nga