Connect with Us

Pranoi mandatin e deputetit/ Erion Piciri tregon pse vendosi të hyjë në parlament

Aktualitet

Pranoi mandatin e deputetit/ Erion Piciri tregon pse vendosi të hyjë në parlament

Publikuar

-

Kandidati në listat shumëemërore të PD-së për zgjedhjet e qershorit 2017, Erion Piciri ka pranuar sot të marrë mandatin e deputetit.

Mësohet se Piciri ka dorëzuar në Komisionin Qendror të Zgjedhjeve formularin e vetdeklarimit, duke pranuar kështu të jetë një ndër deputetët e rinj të opozitës parlamentare.

Në një prononcim për CNA.al, Erion Piciri tha se vendimi është marrë kohë më parë, sipas tij në mbrojtje të parlamentarizmit.

“Vendimi është marrë kohë më parë dhe shkon në vijë të drejtë me logjikën time politike, për një çështje të madhe për të ruajtur parlamentarizmin. Unë jam pro evolucionit dhe jo revolucionit dhe përmbysjes.”-tha Erion Piciri.

Më tej, ai deklaroi se një parti politike nuk duhet të dalë nga parlamenti, dhe se lufta parlamentare është instrumenti më i mirë i opozitës.

“Opozita nuk duhet të dalë nga parlamenti. Lufta parlamentare është e shenjtë dhe instrumenti më i mirë që ka një opozitë për të luftuar një regjim”-tha Erion Piciri për CNA.al.

Ndërkohë, në një letër nisur në redaksinë e CNA.al, Dr. Erion Piciri zbulon arsyet se pse ka vendosur që të futet në Kuvendin e Shqipërisë.

Më poshtë letra e plotë:

MOTIVET E LUFTËS TIME POLITIKE DHE PARLAMENTARE

Dr. Erion Piciri

Të nderuar votues të Partisë Demokratike dhe qytetarë shqiptarë!

Këtë javë dorëzova në KQZ formularin për të hyrë në parlament, jo për t’u bërë deputet apo për të legjitimuar një regjim antishqiptar, por për të çuar në kuvend zërin e një Shqipërie që kërkon ndryshim të vërtetë. Kemi hyrë në një krizë zhvillimi, humbje shprese dhe besimi, me shpërnguljen masive të njerëzve të zot, si pasojë e papërgjegjshmërisë politike që sundon prej 30 vjetësh vëndin tonë. Në momente të tilla çdo qytetar duhet të zbresë në arenë. Kush ka dëgjuar thirrjen e atdheut të tij, nuk mund t’i iki përgjegjësisë. Kur e keqja përparon dhe rri indiferent, behësh bashkëfajtor. Më poshtë po parashtroj motivet e luftës time politike/parlamentare, që besoj se është lufta e gjithsecilit prej nesh për ndryshimin e Shqipërisë. Po e nis me një profil personal, duke vijuar me krizën dhe rrugëdaljet prej saj.

FORMIMI DHE AKTIVIZMI SHOQËROR E POLITIK

Kam lindur në Tiranë, me 18 vite punë dhe studime në tre kryeqendra të tjera vendesh të Europës dhe Shteteve të Bashkuara, me dy fakultete (Mjekësi dhe Shkenca Politike), disa mastera dhe pasuniversitarë (Administrim Publik, Studime Europiane, Komunikim dhe Marketing Politik, E Drejtë Publike dhe Ndërkombëtare, Studime mbi Sigurinë dhe Menaxhim, një prej të cilëve në New York – Master of Arts në Zgjedhje dhe Menaxhim Fushatash), një doktoratë në politikat publike të shëndetësisë në Bukuresht, disa kurse semestrale në Harvard, plot 25 vite në sistemin universitar nga student, drejtues unioni rinor, drejtues reviste universitare, masterant, doktorant, lektor dhe deri me poste drejtuese dhe konsulencë në këtë fushë, mësimdhënës lidershipi, komunikimi politik dhe publik, qeverisjeje dhe politikash të krahasuara, autor librash dhe dhjetëra shkrimesh politike, 145 emisione ‘Leadership’ destinuar ndryshimit, plot 27 vjet rrugëtim për të dhënë kontribut politik në nivelet më të larta. Asnjëherë i punësuar në institucione shtetërore, një herë fitues konkursi për drejtues sektori në kryeministri (2007) dhe i mohuar nga vendimmarrësit politikë, kandidat për kreun e Partisë Demokratike (korrik 2017), bllokuar pa arsye zyrtare nga establishmenti i partisë. Mund të isha pjesë e listës fituese dhe të hyja më herët në kuvend, nëse nuk do zgjidhja besnikërinë ndaj kauzës në vend të besnikërisë së kërkuar ndaj listbërësit të partisë. Njeriu duhet të ruajë lirinë në jetën politike, t’i shërbejë vetëm interesit publik dhe të vërë në zbatim principet morale të familjes dhe botës ku u formësua. Kështu kthehet në një vlerë të shtuar për shoqërinë. Pa liri nuk ka dobishmëri sociale. Njerëzit e kapur a të shitur nuk i shërbejnë dot kombit të tyre.

PЁRBALLJA ME MODELIN AUTORITAR, KORRUPTIV DHE KRIMINAL NË FUQI

Nga jeta dhe studimet në vende të lira buron motivi i fuqishëm për të luftuar me regjimet autoritare dhe korruptive, një prej të cilëve e kemi ende në fuqi. Prej vitesh është cënuar rendi kushtetues i ndarjes dhe balancimit të pushteteve, klima zgjedhore dhe demokracia, siguria e pronës dhe të drejtave të njeriut. Me komandë nga lart u tolerua kultivimi dhe trafikimi i drogës, u rrit prezenca e krimit në ekonomi dhe në institucionet shtetërore, është instaluar një klimë armiqësore ndaj biznesit të vogël, shtresës së mesme dhe investimeve të huaja, u nxit përçarja dhe përçmimi ndaj  krahinave dhe besimeve, u rrit arroganca dhe gjuha fyese ndaj njerëzve të thjeshtë, atyre të medias, botës akademike dhe intelektualitetit të vendit, u thellua kapja e shtetit, politizimi i administratës publike, përndjekja e kundërshtarëve dhe mbrojtja e abuzuesve të tenderave publike. U instalua një regjim me pushtet të pakontrolluar, u thellua papunësia dhe varfëria, u nxit me veprime e mosveprime një klimë pesimizmi dhe shpërnguljeje masive e popullsisë si në vendet në konflikt. Mundësia për ta përballur të keqen, nuk mund të digjet. Nëse nuk i përgjigjesh thirrjes të luftosh për vendin tënd, kot që rron. Arrogancës me pushtetin i duhet vënë fre. Në shekullin e 21, më shpejt duhet të bjerë një qeveri se të shembet një shtëpi, se të bëhet një padrejtësi, se të poshtërohet një njeri.

RINOVIMI I KLASËS POLITIKE

Në këtë pikë ndahem me disa opozitarë. Ikja e regjimit në fuqi nuk mjafton, nëse nuk pastrojmë politikën nga të gjitha mbetjet e saj. Po hyjmë në dekadën e katërt të post komunizmit dhe qeverisemi nga të njëjtat familje, të njëjtët prijës, me të njëjtën mendje, që kanë së bashku apo veç e veç mbi 60 vjet pushtet. Janë zogj të të njëjtës specie grabitqare. Edhe më brilantët do kishin ikur. Erdhën dhe ikën Bushët, Clinton-i, Havel-i, Blair-i, Obama dhe po i vjen radha Merkel-it, Cipras-it, nesër Trump-it, por jo dështakëve tanë. Shtetarit që di të lërë trashëgimi i mjafton një, maksimumi dy mandate. Pushteti nuk testohet nga vitet por nga modeli dhe arritjet. Ikja si qytetar i thjeshtë, si 222 vjet më parë i George Washington-i, i nderon shtetarët dhe u jep tjetër dimension në historinë politike. Koha të dalim nga rrethi vicioz i tranzicionit dhe të shpëtojmë nga mendësia që e ka futur vendin në krizë. Prijësit që kanë vrarë garën dhe lirinë, nuk e bëjnë dot Shqipërinë, nuk janë zgjidhja, por vetë problemi.

TEJKALIMI I KRIZËS SË ZHVILLIMIT

Shqiperia ka hyrë në një krizë zhvillimi, aftësie për të prodhuar mirëqënie dhe siguri, neglizhencë ndaj individit. Në mungesë besimi dhe prespektive të rinjtë dhe të arsimuarit po ikin. Jemi ndër vendet e para në botë, me 60% të popullsisë me dëshirën për të emigruar (sipas Gallup-it), vendi i parë për emigrim real për frymë në vendet e BE-së (sipas Eurostat-it). Shqipëria evidentohet si vend pjesërisht i lirë në këto 20 vjet (sipas Freedom House), vendi më i korruptuar i Europës prej dekadash, me rekordin e negativitetit në hierarkinë globale në vitet 2012-2014 (sipas Transparency International), një ndër dy vendet e fundit në Europë për të ardhurat për frymë (sipas FMN-së vendi 102 nga 190 shtete në botë), nga vendet e fundit për kontributin në shkencë dhe teknologji, vendi i 112 nga 156 vende për lumturinë (sipas World Happiness Report), vendi 80 nga 138 për konkurueshmërinë (sipas Forumit Ekonomik Botëror). Jemi lart në hierarkinë globale për prodhimin e kanabisit dhe narkotrafikut (sipas Departamentit Amerikan të Shtetit dhe Bashkimit Europian), sepse të tjerët e luftojnë, ne e ikurajojmë. Përqëndrimi i pushtetit dhe parasë tek politikanët e pandershëm, biznesmenët e oborrit qeveritar dhe investitorët narkotrafikantë, na kanë nxjerrë nga harta e Europës. Në klasifikimet globale jemi midis vendeve si Haiti, Vietnami, Guinea apo Sierra Leone. Paraardhësit na lanë në Europë, politikanët na dërguan midis Afrikës dhe Amerikës Latine. Kjo duhet të ndryshojë. Sot na duhet ekonomia e prodhimit, jo e drogës dhe pastrimit të parave, na duhet investimi tek inovacioni dhe teknologjia, jo tek piramidat e ndërtimit. Vende si Irlanda dhe Izraeli po kthejnë diasporat me investime inteligjente në teknologjinë e informacionit, ne me favorizimin e krimit po largojmë më të mirët. Një klasë politike që nuk prodhon dot politika zhvillimi, por vetëm taksimi, borxhesh dhe shpërdorimi të parasë publike, ka hyrë në krizë vizioni, morali dhe lidershipi. Ndyshimi i saj duhet të jetë prioritet kombëtar. Me çlirimin e saj fillon çlirimi i medias, i biznesit dhe oportuniteteve për çdo njeri.

MODELI SOCIAL-POLITIK I MIRËQENIES EKONOMIKE

Shqipëria ka nevojë sot për një model të ri social, politik dhe ekonomik, të suksesit dhe hierarkisë në bazë të meritës. Në pararojë të Shqipërisë së shekullit të 21 duhet të jetë pjesa e aftë dhe e ndershme e shoqërisë, jo ajo pakicë me karakter të deformuar nga sundimi, dinakëria dhe egërsia. Në qendër të sistemit duhet të jetë sipërmarrësi i konkurencës së ndershme që investon, hap vende pune dhe krijon produkte që hapin tregun europian dhe global, që rrisin pasurinë dhe mirëqenien kombëtare. Në qendër të sistemit duhet të jetë krijuesi që shpik dhe hap rrugë të reja në çdo fushë, kërkuesi që zbulon të reja shkencore dhe na tregon se ku duhet të ecim dhe ku duhet të ndryshojmë. Në qendër të sistemit duhet të jetë intelektuali i vërtetë që formëson shpirtin dhe mendjen e kombit, studenti i etur drejt niveleve më të larta të dijes universale. Në qendër të sistemit duhet të jenë mjekët profesionistë që paguhen denjësisht, respektojnë pacientin dhe kujdesen të kemi një popull të shëndetshëm, duhet të jenë mësuesit cilësorë që kultivojnë veten me risitë e dijes dhe formësojnë fëmijët tanë në nivelet më të larta globale, fermeri që mbjell arat me kulturat e drithit dhe perimeve jo ai që i ka shitur shpirtin djallit dhe ka pranuar ta helmojë tokën e të parëve me farën e drogës. Në qendër të sistemit duhet të jetë gazetari i ndershëm që rend mbas të vërtetës, që nuk njeh interesa padronësh mediash mercenare që shiten e blihen tek kumbarët politikë të rradhës. Në qendër të sistemit duhet të jetë prokurori, gjykatësi dhe polici që kryen me përgjegjësi profesionale dhe ndjenjë atdhetare detyrën publike, që jep drejtësi dhe siguri për këdo. Këtij modeli të ri duhet t’i japi garanci një lidership i vërtetë me mendësi perëndimore, një lidership i përmbajtur që krijon sistemin ku vlera, kontributi dhe shpërblimi i gjithësecilit është i garantuar, një lidershipi i ri që kupton se jo politika por profesionistët e çdo fushe janë ata që do bëjnë Shqipërinë të ditur, të pasur dhe të sigurtë siç nuk ka qenë kurrë në historinë e saj.

LEXO EDHE:  Trupi i deputetit të ndjerë Gjovalin Kadeli mbërrin në Durrës/I pranishëm edhe Ilir Meta

IDEOLOGJIA E LIRISË DHE POLITIKA E VIRTYTIT

Politika duhet t’i kthehet stimulimit të lirisë, ndershmërisë dhe vërtetësisë. Liria është nëna e çdo të mire, politika frenuese është vrasëse e krijimtarisë dhe zhvillimit. Liria stimulon iniciativën dhe sipërmarrjen, mundëson hapjen e vendeve të punës, krijon pasurinë, duke i bërë njerëzit të zhvillojnë të gjithë potencialin e tyre. Nëse godet lirinë dhe ke pasion frikën dhe propagandën, ke sjellë rrënimin. Ky është thelbi i mirëqenies kapitaliste që komunistët dhe derivatet e tyre nuk e kuptuan kurrë. Përqëndrimi i parasë tek qeveria, mbushja e administratës me militantë partie, ndërhyrja preferenciale në ekonomi, favorizimi apo diskriminimi i bizneseve, grabitjet e pronës dje dhe sot, taksimi dhe rregullat e shumta janë cënim lirie dhe zhvillimi. Ajo që i duhet Shqipërisë sot është ulja e taksave dhe stimulimi i biznesit, tërheqja e investimeve të huaja që sjellin para, tregje dhe një kulturë pune që zhvillon ekonominë kombëtare. Detyra e çdo qeverie është të krijojë klimën e punës dhe pasurisë për të gjithë. Qeverisje do të thotë përparësi njerëzve, mbi objektet, fuqizimi i familjes shqiptare, jo i tarafit dhe familjes politike. Një vend ndërtohet me shpresën se të gjithë e kanë një mundësi për sukses. Kjo frymë duhet të përcillet në parlament dhe hapësirën publike. Nuk ka zhvillim me masovikë që pasion jete kanë zhvatjen e arkës së shtetit, patologji mendore falimentimin e sipërmarrjes private, profesion mashtrimin e opinionit publik. Një popull që jeton me gënjeshtrën ndërton një të tashme dhe të ardhme të rreme, jeton në një realitet të paqenë. Vërtetësia formëson individin dhe ndërton kombin, manipulimi shkatërron njeriun, besimin, klimën e zhvillimit, vetë kulturën e një populli. Të jesh i vërtetë me veten, me tjetrin, dhe me bashkëqytetarët e tu është themeli solid ku mund të ndërtohet një e ardhme e ndritur. Të jesh i ndershëm dhe i drejtë me punën, përpjekjet dhe realizimet e të tjerëve afër dhe larg teje, tregon se ke karakter për të qeverisur punët e një vendi.

DEMOKRATIZIMI DHE SINKRONIZIMI ME OPINIONIN PUBLIK

Si mund t’i bindesh një vendimi të kupolës partiake kur sondazhet (IPR Marketing), tregojnë se 61% e qytetarëve dhe dy të tretat (65%) e atyre që do votonin opozitën janë kundër djegies së mandateve?! Si mund ta bësh kauzë kryesore legjitimitetin e parlamentit, kur e ke legjitimuar me qeverinë zgjedhore, komisionerët, KQZ-në, pjesëmarrjen dy vjeçare në kuvend dhe kur në sondazhe del si çështja më e papërfillshme në shqetesimet aktuale të shqiptarëve?! Njerëzve u digjet shpirti për punësim, varferi dhe korrupsion dhe ti u flet per ardhjen e parakohshme ne pushtet të bashkëshkaktarëve të krizës. Vendimet politike kanë si bazament koherencën dhe racionalitetin politik, principet, integritetin dhe preokupimin publik. Kur të gjitha nuk qëndrojnë njeriu duhet të ketë kurajën t’i thotë jo një vendimi të gabuar politik. Nuk mund të bëhesh pjesë e asgjësimit të një partie historike. Asnjë lidership politik serioz nuk shkon në ekstrem, duke lënë pa përfaqësim pjesën e moderuar të opozitarizmit, ata që sjellin fitoren në zgjedhje. Kush i ka studiuar ndopak zgjedhjet e di se të pozicionohesh në mënyrë radikale tregon më e pakta amatorizëm politik, në mos është diskretitim i planifikuar i opozitarizmit për t’i lënë terrenin regjimit. Fati i partive, grupeve dhe interesave nuk duhet lidhur me kusuret e shkuara të drejtuesve të tyre. Dobësitë personale nuk duhet kthehen në dobësi kolektive. Ka ardhur koha e demokratizimit të partive, e unitetit në diversitet dhe sinkronizimit të politikës me opinionin publik. Bota u zhvillua nga debati dhe non-konformizmi, jo nga shpirti i kopesë, përulja dhe nënshtrimi. Disiplina partiake është marifet i një kaste dhe interesash okulte për të kontrolluar energjitë e reja. Përulja partiake mundësoi ligjin 7501 të grabitjes së pronës, imponoi heshtjen kur në një grup parlamentar kishin rreth 25% deputetë me rekorde kriminale, bëri që të votohej shembja e Teatrit Kombëtar, mundësoi ngjitjen dhe mbajtjen në krye të punëve të shtetit të gjithfarësoj njerëzish me karaktere të deformuara. Pavarësisht se ne jemi mësuar që politikën ta luajnë dy-tre kokrra dhe të tjerë të bëjnë karrierë duke u nënshtruar dhe servilosur, kësaj kulture i duhet dhënë fund. Ka ardhur koha e konsultimeve masive përpara vendimeve të rëndësishme, jo imponimit dhe politikës së faktit të kryer.

EVOLUCIONI DEMOKRATIK DHE LIGJOR, JO PERMBYSJA REVOLUCIONARE

Lëvizjet më të suksesshme kanë qenë ato pacifiste, që kanë hedhur regjime dhe kanë bërë histori. Gandhi, Mandela, Luther King-u, Haveli dhe Rugova udhëhoqën ndryshimet përmes mprehtësisë së mendjes, fjalës dhe sjelljes së qytetëruar. Formulat leniniste nuk i korespondojnë kohës tonë. Sherrxhinjtë nuk janë shenjë e begatisë por e varfërisë së një populli. Ka hapësirë që me votë mund të hidhen edhe regjimet në vende pjesërisht të lira. Shembujt janë pafund. Veçse kauzat kërkojnë liderë me integritet, që të kenë sukses. Nëse flamuri i zgjedhjeve të ndershme do mbetet tek mjeshtrat e vjedhjes dhe blerjes së votës, ky vend nuk bëhet. Nuk ka efekt as djegia e mandateve kur të është djegur më parë imazhi publik. Koston e besueshmërisë së munguar nuk mund ta paguajë një vend i tërë. Ka ardhur koha të shkruajmë një faqe të re në historinë tonë kombëtare, jo përmes revolucionit, përmbysjes dhe anarkisë, por përmes frymes, përmes transformimit permanent ligjor dhe demokratik. Nuk na duhen ‘revolucionarë’ të rinj apo të vjetër që qëndrojnë mbi çdo ligj dhe pushtet, por profesionistë me kurajë që kryejnë me përgjegjësi dhe moral të lartë detyrat e tyre. Ta përgatisim këtë moment të kthesës së madhe, të pjekim kushtet për të vënë drejtësinë që na sjell zhvillimin. Mbas 75 vitesh në pushtet të mendësisë bolshevike, represive dhe kleptokrate, duhet t’i kthehemi të djathtës moderne si në vendet e zhvilluara të perëndimit. Duhet të krijojmë sistemin që fut njeriun në korsinë e punës me ndershmëri dhe jep garancinë e një gare me drejtësi, ku gjithkujt i kthehet investimi i tij.

Të nderuar opozitarë dhe qytetarë shqiptarë!

Në pajtim me vullnetin e shumicës opozitare e qytetare, si dhe në koherencë me parimet e mia për të djegur regjimin, por jo parlamentarizmin, do hyj në kuvend, të ushtroj një mandat komunikimi që nxit ndryshimin. Nisur nga rrethanat, me ndjeshmëri maksimale ndaj protestës tonë kombëtare, prezenca ime do jetë e kufizuar dhe në asnjë formë nuk do asociohet me regjimin. Jam kundërshtar i kësaj forme represive të shpërdorimit të pushtetit që na dogji shtëpitë, mori pasuritë dhe persekutoi njerëzit tanë që nga viti 1944 dhe sot e 75 vite vijon abuzimin mbi gjithësecilin prej nesh. Politika për njeriun e vetëdijshëm është mision i formësuar nga përjetimet personale, familjare, kombëtare dhe lëvizjet nëpër botë. Këtu buron forca dhe idealizmi për t’u marrë me këtë punë. E di se i vetëm nuk mund të ndryshoj politikat dhe legjislacionin në këtë parlament, por që nga podiumi i kuvendit mund të përhapim frymën e modernizimit. Ju siguroj për besnikëri, ndershmëri dhe vërtetësi, një luftë të pastër për t’a pjekur ndryshimin e Shqipërisë në disa hapa. Nuk ka nevojë për opozita të reja, për diversione, për shpallje kryetarësh pa antarë, për të bërë lojën qeveritare, por për një mobilizim kombëtar rreth disa principeve dhe ideve që na bashkojnë. Do luftojmë ta fuqizojmë opozitarizmin, ta bashkojmë dhe jo ta përçajmë, ta nxisim drejt modernizimit që mos zgjidhet më si e keqja më e vogël, por si e mira më e madhe në këto anë. Ka hapësirë për mendime të ndryshme për arritjen e qëllimeve të përbashkëta. Po vjen koha t’i kthejmë politikës seriozitetin, vendit shpresën, njerëzve mundësinë për të ndërtuar të ardhmen në Shqipëri.

Për të rejat më të fundit behuni pjesë e grupit tonë në facebook : City News Albania
1 Koment

1 Koment

  1. t

    17 Prill, 2019 at 8:26 pm

    Ky eshte doktor apo derr qe hane jashteqitjet e veta

Komentoni

Your email address will not be published. Required fields are marked *

Politikë

Ngjela habit me deklaratën/ Disa moderatorë janë paguar për të sulmuar Shqipërinë

Publikuar

-

Nga

Ngjela habit me deklaratën/ Disa moderatorë janë paguar për të sulmuar Shqipërinë

Avokati Spartak Ngjela ka bërë deklarata të forta mbrëmjen e sotme lidhur me forcimin e Shqipërisë dhe të shqiptarëve.

Ngjela deklaron se në Tiranë dhe Prishtinë disa persona të paguar janë acaruar dhe po reagojnë në mënyrë qesharale madje nëpër programe televizive me moderatorë shqiptarë të paguar.

“Forcimi i Shqipërisë dhe i shqiptarëve, i ka acaruar shumë antishqiptarët e paguar në Tiranë dhe në Prishtinë. Korrupsioni shqiptar është i tulatur, por ende e ka shpresën te Moska dhe Beogradi. Pikërisht këtu vijnë pagesat që iu bëhen individëve të veçantë për të thënë direkt apo indirekt se çështja shqiptare ka vdekur.

Në Tiranë, e sidomis në Prishtinë, antishqiptatët e paguar janë duke hedhur një valle qesharake, madje nëpër programe televizive me moderatorë shqiptarë të paguar. Kurse sot, shqiptarizmi po progredon përditë e më tepër në Shkup dhe në Malin e Zi. Pavarësia e Kosovës dhe frika e presidentit të Serbisë Vuçiç, është shenja e forcës shqiptare në Ballkanin Perëndimor”, shkruan ai.

Avokati pretendon se të paguarit nga Beogradi dhe Athina ishin gjithë shpresë për antishqiptarizëm kur Donald Trump u zgjodh president i SHBA, ndërsa pretendon se nuk dinin të arsyetonin fare politikisht për shkak të nivelit të ulët të inteligjencës.



Ai deklaron se pasi Trump nuk po i mbështeste, ata filluan me pasion të godisnin historinë e Shqipërisë, pa qenë historianë.

“Këta të paguar, që nuk dihet nga iu vjen mllefi antishqiptar, në fakt, si shumicë vijnë nga pakicat etnike, por edhe me prejardhje turke nga Orienti. Në të vërtetë, këta janë të paguar në forma të ndyshme, dhe me mediokritetin e tyre antihistorik, ngrenë së pari tezën që shqiptarët nuk janë autoktonë, dhe nxjerrin në pah falsitetet e një historiografia të marrë serbe. Por, për të qeshur është fakti që, me vete, të paguarit thonë: “njëlloj si ne, edhe shqiptarët, janë të ardhur këtu”; domethënë, njëlloj si këta të paguarit që vijnë nga pakicat etnike ose turqit e mbetur këtu si prejardhje kolonësh disa-qindra-vjeçarë. E kuptoni se me çfarë lloj individësh kemi të bëjmë?!

LEXO EDHE:  Listat e PD/ Emrat që kanididohen dhe ata që lëvizin

LEXO EDHE:  Trupi i deputetit të ndjerë Gjovalin Kadeli mbërrin në Durrës/I pranishëm edhe Ilir Meta

Por, po këta, pastaj i vërsulën origjinës së Skënderbeut, dhe na e bëjnë atë me origjinë serbe, kur Gjergj Kastrioti është nga një fis shqiptar solid shekullor, dhe për më tepër, luftën e tij antiosmane, e ka bërë vetëm me shqiptarë e jo me serbë. Të them të drejtën, është turp të polemizosh me këta injorantë të pagur për injorancën e tyre.

E ç’rëndësi ka e vërteta për të paguarit! Dihet, ata nuk flasin për historinë, por për nga mllefi antishqiptar që kanë, dhe, edhe nga paraja që iu paguhet. Shikojeni me kujdes: këta flasin vetëm kundër figurave të mëdha shqiptare që kanë vlerë historike në Perëndim, dhe asnjë fjalë për Esat Toptanin, për shembull, apo për laro të tjerë antishqiptarë që i ka përbuzur historia”, vijon ai.

Më tej, Ngjela shkruan se: “Tani koha ka ndryshuar: janë dy shtete shqiptarë në Ballkanin Perëndimor, por do të ketë edhe më; sepse ortodoksët maqedonë, rreth treqind mijë deri tani, po shkruhen si shqiptarë që iu ishte mohuar kombësia. Priten edhe katolikët shqiptarë në Mal të Zi – në Ulqin e kudo – të hyjnë në këtë rrjedhë të re të historisë që po vjen. Prandaj, të paguarit antishqiptarë janë në hall. Po kot mërziten, se, të marrët që i paguajnë, zor që mund të dalin dot ndonjëherë nga marrëzia e tyre antishqiptare”./ CNA.al

LEXO TE PLOTE

Bota

SHBA/ Ndryshimi i klimës rëndon gjendjen e zjarreve

Publikuar

-

Nga

SHBA/ Ndryshimi i klimës rëndon gjendjen e zjarreve

Në tre shtetet perëndimore të SHBA rifillojnë sot kërkimet për viktima mes rrënojave të shkaktuara nga zjarret masive, që gjatë disa javëve kanë djegur miliona hektarë.

Zjarret e pakontrolluara në shtetet Oregon, Kaliforni dhe Uashington kanë shkatërruar mijëra shtëpi dhe gjashtë qytete të vogla këtë verë, duke djegur një sipërfaqe me madhësinë e Nju Xhersit dhe duke shkaktuar të paktën 26 vdekje që nga fillimi i gushtit.

Pas katër ditësh tepër të nxehta, fundjava solli një mot më të qetë e më të lagësht, me erëra që frynin nga Oqeani Paqësor, të cilat i ndihmuan ekipet të luftonin me flakët.

Kaliforni, Ura e Portës së Artë nën një re tymi të shkaktuar nga zjarret

Shkatërrimi që kanë sjellë zjarret nuk është i papritur. Ekspertët e klimës kanë dhënë alarmin prej një kohe të gjatë, thotë eksperti i zjarreve LeRoy Westerling në Universitetin e Kalifornisë, Merced.

“Prej vitesh kemi bërë modelime dhe simulime që tregojnë se po vijnë sezone zjarresh me të vërtetë shkatërrimtare, përtej asaj që kemi provuar historikisht,” tha ai.

Nxehet moti, rritet thatësira

Zjarret kanë nevojë për bimë të thata për t’u përhapur dhe ndryshimi i klimës po ndihmon në shtimin e tyre, thotë Westerling.

Rritja e temperaturave nënkupton që materialet bimore thahen më shpejt. Kalifornia dhe Oregoni tashmë kanë një rritje temperaturash mesatarisht 1,1 gradë Celsius që nga fillimi i shekullit të 20-të ndërsa shteti Uashington është rreth 0,8 gradë C më i ngrohtë, sipas Administratës Kombëtare për Oqeanet dhe Atmosferën. Temperaturat e larta ekstreme po bëhen gjithnjë e më të zakonshme, veçanërisht numri i netëve të nxehta.

Zjarre në Kaliforni

Ngrohja e klimës ndikon në furnizimin me ujë gjatë gjithë vitit. Shkrirja e borës në mal është një burim me rëndësi i ujit në pjesën më të madhe të rajonit. Por sasia e borës dhe e shiut është pakësuar. Kjo do të thotë se në muajt e verës ka më pak ujë.

Gjatë viteve të fundit, stina e verës ka qenë veçanërisht e thatë. Sipas një studimi, zonat jugperëndimore në Shtetet e Bashkuara po kalojnë periudhën e dytë më të thatë në më shumë se 1.000 vitet e fundit.

Kjo gjendje klimatike po i ndëshkon ashpër pyjet e Perëndimit amerikan. Thatësira jo vetëm që ka shkatërruar miliona pemë, por ka bërë që pjesa tjetër të jetë më e ekspozuar nga infektimi i brumbujve. Brumbujt jetojnë më mirë në një klimë të ngrohtë. Ata tani po i mbijetojnë dimrave më të butë. Rezultat i kësaj janë rreth 150 milion pemë të thara dhe lehtësisht të ndezshme në mbi gati 4 milion hektarë vetëm në Kaliforni, sipas Shërbimit Pyjor të SHBA.

LEXO EDHE:  “Fiks Fare” sjell personazhin e rrallë/ “Hoxha” të bën deputet me kripë dhe sheqer

LEXO EDHE:  Rritet numri i Opozitës parlamentare/ KQZ u jep mandatin tre kandidatëve të rinj

Faktorët njerëzorë



Njerëzit po e përkeqësojnë situatën në disa aspekte.

Zjarri është pjesë natyrore e ekosistemeve në shtetet e Perëndimit amerikan. Zjarret zakonisht përhapen në dyshemenë e pyllit, duke pastruar bimësinë midis pemëve më të mëdha, rezistente ndaj flakëve. Por prej disa dekadash, banorët dhe industritë në rajon përpiqen t’i shuajnë zjarret sa më shpejt që të jetë e mundur.

Si pasojë, pyjet janë bërë më të dendur dhe rrjedhimisht më të prekshëm ndaj thatësirës, sepse pemët konkurrojnë për ujë, thotë zoti Westerling.

Kur zjarri shpërthen, ai mund të përhapet më lehtë nga pema në pemë, duke u bërë më shkatërrimtar sesa zjarret që digjen në dyshemenë e pyllit, thotë ai.

Plus, një numër në rritje njerëzish po jetojnë në zonat pranë shkretëtirës, duke rritur rrezikun e humbjes së jetëve dhe të pronës.

Më shumë njerëz do të thotë më shumë zjarre, që vijnë nga shkëndijat elektrike, zjarret nëpër kampingje, cigaret, fishekzjarret dhe, më rrallë, nga zjarrvënie të qëllimshme.

Më shumë zjarre në të ardhmen

Ky është vetëm fillimi.

Një stinë zjarresh si kjo po bëhet gjithnjë e më e zakonshme dhe pritet të vazhdojë kështu në dekadat e ardhshme, ndërsa ndryshimi i klimës nuk ndalet, thotë Erica Fleishman, drejtore e Institutit Kërkimor për Ndryshimet Klimatike në Universitetin Shtetëror të Oregonit.

Temperaturat pritet të vazhdojnë të rriten. Reshjet e përgjthshme vjetore mund të mos ndryshojnë shumë, por pritet të përmblidhen në më pak stuhi të cilat do të jenë më të mëdha, thotë ajo.

Vera parashikohet të jetë më e thatë. “Ne tashmë kemi pasur shumë pak reshje (në verë), por pritet të ketë edhe më pak,” thotë Jessica Halofsky, drejtoreshë në Departamentin amerikan të Bujqësisë.

Ajo thotë se po t’i shtosh kësaj edhe pakësimin e reshjeve të dëborës, atëherë arrin në përfundimin se në të ardhmen do të ketë më shumë zjarre në Paqësorin Veriperëndimor. Sipas saj, sipërfaqja vjetore e djegur në të ardhmen do të jetë ndoshta dy deri në tre herë më e madhe se sa në kaluarën.

LEXO TE PLOTE

Politikë

Paralajmëron Taulant Muka/ Hapja e shkollave do sjellë rritje të infektimeve

Publikuar

-

Nga

“Parlamenti të mos ishte mbledhur”/ Taulant Muka: Deputetët duhej të ishin në karantinë  

Studiuesi Taulant Muka ka paralajmëruar rritje të infektimeve me koronavirus një ditë para nisjes së vitit të ri shkollor.

Duke marrë shkas nga situata në Izrael, Muka thotë se hapja e shkollave do të rrisë më tepër rrezikun për infektime të reja, madje thekson se mund të na çojë deri në vendosjen e masave ekstreme.

Ai thekson se vetëm dy javë pas hapjes së shkollave, Izraeli po mendon të rikthejë izolimin, ndërsa pretendon se një gjë e tillë mund të ndodhë edhe në vendin tonë pa marrjen e masave të duhura.



“2 javë pas hapjes së shkollave, Izraeli njofton se mund të shkojë në izolim kombëtar! Hapja e shkollave kur përhapja e infeksionit në komunitet nuk është e kontrolluar sikurse është situata në vendin tonë, nuk do sjellë gjë tjetër veçse rritje të mëtejshme të rasteve të reja të infektimit dhe më vonë vendosjen e masave ekstreme. Të rinjtë (mosha 10-19 vjeç), edhe pse e kalojnë kryesisht pa komplikacione klinike infeksionin SARS-CoV-2, janë vektorë të rëndësishëm të përhapjes së infeksionit në familje, shkolla dhe komunitet.

LEXO EDHE:  Koronavirusi!/ Pas Ramës dhe ministrave, deputetët e PS heqin dorë nga gjysma e rrogës

LEXO EDHE:  Deputeti socialist sulmon PS/Pasi u hoqën deputetët e ndershëm janë sulur grabitësit

Mjafton të shikoni Izraelin ku, pas 2 javësh pas hapjes së shkollave, kuvendi po voton nëse vendi do shkojë sërish në një izolimin kombëtar (lockdoën) 2 javor. Ishte e pritshme pasi hapja e shkollave u bë kur Izraeli kishte mbi 2000 raste Covid në ditë, pra përhapje të infeksionit në komunitet.

Hapja e shkollave është e sigurtë kur nuk ka përhapje komunitare të infeksionit, dhe paralelisht janë kryer të gjitha investimet e nevojshme që sigurojnë respektimin e masave anti-Covid!”, shkruan ai në rrjete sociale./ CNA.al

LEXO TE PLOTE