web counter
LEXO PA REKLAMA!

SHKARKO APP

App Store
Google Play

Burg për mikun e Shullazit/ Lirohet kryetari i grupseksionit të PD-së

16 Prill 2019, 16:14, Aktualitet CNA

Ka ndryshuar masa e sigurisë për Lavdosh Demajn, i cili është edhe kryetar i Grupseksionit të Partisë Demokratike në Elbasan.

Ai ka në pronësi një lokal në lagjen Shënkoll, ku edhe është bërë shkëmbimi i kokainës, pas arrestimit u ndryshua masa e sigurisë dhe tani do të hetohet në detryim paraqitje, ndërsa pesë personat e tjerë që u arrestuan do të qëndrojë në burg pa afat.

Operacioni ku u sekuestruan 550 gr kokainë u finalizua pak ditë më parë në Tiranë dhe Elbasan.

Gjatë operacionit u arrestuan gjashtë persona, pjesë e grupeve të Emiljano Shullazit në Tiranë dhe Çapjave në Elbasan. Gjyqtari ka dhënë vendimet e mëposhtme.

Arrest me burg; Klaudjo Trungu, Agron Qafa, Skender Pellumbi, Lorencio Gjini, Klajdi Gjeci.

Detyrim paraqitje; Lavdosh Demaj

Do të vijojnë që të hetohen në gjendje të lirë shtetasit me iniciale A. Ll., O. O., A.F.

Skema si funksiononin grupet;

Miku i Emiljano Shullazit, Klajdi Gjeçi ishte personi i cili drejtonte këtë rrjet. Bashkë me të u arrestuan edhe Klaudjo Trungu, bashkëpunëtor i grupit të Çapjave dhe Skënder Pëllumbi, Lorencio Gjini, Agron Qafa e Lavdosh Demaj, që sot u la në detyrim paraqitje.

Ndërkohë që u vunë nën hetim në gjendje të lirë, i riu A. LL dhe dy vajza me iniciale O. O dhe A. F. Grupi i drejtuar nga Gjeçi shpërndante drogë në lagjet kryesore në Tirane, përfshirë Tiranën e Re, Stadiumin Dinamo dhe zonën e Bllokut. /CNA.al

 





Lajmet e fundit nga