LEXO PA REKLAMA!

SHKARKO APP

Klodian Allajbeu emëroi një gylenist në krye të ANTA-s

3 Prill 2019, 13:42, Aktualitet CNA
Klodian Allajbeu emëroi një gylenist në krye të ANTA-s

Qeveria shqiptare ka emëruar Mina Kustën, drejtorin e ri të agjencisë së kontrollit ajror.

Por, ai që duket se fshihet pas këtij emërimi është Klodian Allajbeu.

Përtej lidhjeve me ministren e Infrastrukturës dhe Energjitikës, Belinda Ballukun, Mina Kusta dhe Klodian Allajbeu kanë qënë shokë të ngushtë dhe kanë mbaruar të dy kolegjin turk.

Mina Kusta është një personazh që i ka dalë emri në dosjen e ish-deputetit të LSI-së, Gledion Rehovica.

Pasi ishte arrestuar nga policia italiane për një vjedhje, Rehovica nuk kishte dhënë emrin e tij, por atë të Mina Kustës. Siç do të rezultonte më vonë, Rehovica dhe Kusta ishin të njohur që në fëmijëri dhe, madje, kishin ndjekur edhe shkollën së bashku.

Mina Kusta ka qënë drejtori ekonomik i shoqërisë gjatë kohës që ajo drejtohej nga Belinda Balluku, por tashmë me ndërhyrjen e  Klodian Allajbeut është vënë në krye të Agjencisë së Kontrollit Ajror.

Mina Kusta, i njohur si gylenist, ka qënë i pari në listën e qeverisë Turke dhe ambasadës së saj në Tiranë për personat gylenistë që zhvillonin aktivitet në Shqipëri, pas grushtit të shtetit që ndodhi në Turqi.

Burime i thanë CNA.al se ka qënë ndërhyrja e Klodian Allajbeut, i cili është një nga njerëzit që ka përfituar koncesione të mëdha qeveritare, që ka çuar në emërimin e Mina Kustës drejtor të Agjencisë së Kontrollit Ajror.

Dhe ajo që është më e rëndësishmja, është se ndërkohë që po pritet të dalë në fluturim Air Albania, e cila ka aksionerë shtetin shqiptar dhe shtetin turk, ku aksioner është edhe ANTA, ne vendosim një gylensit në krye të këtij institucioni.

Pra do ulim një gylenist me një erdoganist. Dhe ndoshta do bëjmë pajtimin e rrymave që përplasen në Turqi.

Mina Kusta njihet si një gylenist, i cili ka mbështetjen dhe është bashkëpunëtor i ngushtë i Klodian Alljabeut dhe do të shkojë të ulet në bisedime me Erdoganin dhe përfaqësuesit e tij për Air Albania.

Ky është rasti kur oligarkët shtrijnë duart dhe tentakulat e tyre deri në institucione. Tashmë me fuqinë që kanë edhe emërojnë dhe shkarkojnë drejtorë të rëndësishëm të institucioneve shqiptare./CNA.al

Lajmet e fundit nga