web counter
LEXO PA REKLAMA!

SHKARKO APP

App Store
Google Play

FBI dhe DASH nisën hetimet për lobimet/ Balla zbardh gënjeshtrat e Bashës

25 Mars 2019, 12:23, Aktualitet CNA

Deklaratat e kreut të PD-së Lulzim Basha, kanë zgjuar një sërë reagimesh.

Pas reagimit të Prokurorisë së Tiranës, ka reaguar edhe kreu i grupit parlamentar të PS, Taulant Balla, i cili e ka qujatur Ballën gënjeshtar.

Kryedemokrati Basha  tha se hetimet e Prokurorisë për lobimin në SHBA kanë nisur që para një viti e gjysmë me kërkesë të PD.

Por, sipas Ballës ai gënjen, pasi hetimet  i ka nisur FBI dhe DASH.  Gjithashtu për këtë ka dhe një kallëzim të bërë nga vetë Balla.

“Ju që i shkoni pas një njeriu si ky i vetmi që gënjen edhe tek pragu i derës së Prokurorisë, si mund t?ia lejoni vetes t?ju tërheqë për hunde një matrioshkë si Lulzim Basha! Me lehtësinë e genjeshtarit profesionist ai thotë që hetimi për financimet e PD ka nisur me kërkesë të PD një vit e gjysëm më parë!!!

Po ai kallëzimi im ndaj tij për këtë çështje pse u bë? Po FBI dhe Departamentit Amerikan të Drejtësisë, ky i?a ka kerkuar hetimin për veten? Po autoriteteve skoceze mos ua ka kërkuar Lulzimi të kryejnë hetimet për gati 1 milionë dollarë të padeklaruara, që i dolën në Amerikë si para ruse?”, ka shkruar Balla në rrjetet sociale.

Më tej Balla ka bërë thirrje opinionit publik që mos t’i sjellë vërdallë Lulzimi.

“O ju njerëz që ju sjellë vërdallë Lulzimi, thirrini mendjes e mos u beni kukulla të kësaj matrioshke gënjeshtare”, ka shkruar Balla./CNA.al

 





Lajmet e fundit nga