E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Denoncimi/ Korrupsioni dhe rrezikimi i jetës së pasagjerëve nga Autoriteti i Aviacionit Civil

22 Mars 2019, 20:52, Aktualitet CNA

Nëpërmjet një postimi në rrjetet sociale, ish-kryeministri Sali Berisha ka denoncuar korrupsionin e rradhës.

Sipas denoncuesit, Autoriteti i Aviacionit Civil punëtorët e administratës së aeroportit janë punësuar në bazë të bindjeve poltike dhe jo prej aftësive profesionale.

Më tej shton se kjo Agjensi është kthyer në shërbim te Kompanisë ajrore Albaëings, e cila favorizohet pavarësisht se situata është serioze pasi vihet në rrezik jeta e njerëzve që udhëtojnë me këtë kompani.

Kjo ka ndodhur për arsye se AAC ka mbyllur vazhdimisht njërin sy dhe ka lejuar që të shkelen hapur rregullat e aviacionit civil.

Postimi i plotë:

Denoncohet për korrupsion dhe rrezikim të jetës së pasagjerëve Autoriteti i Aviacionit Civil!

Lexoni mesazhin e qytetarit dixhital. sb

Përshëndetje Z.Berisha.

Unë që po ju shkruaj jam një punonjës i administratës së aeroportit Nënë Tereza Rinas.

Po ju shkruaj në anonimat (emri që është këtu nuk është emri im i vërtetë) sepse drejtohemi nga një shtet mafioz dhe është tepër e rrezikshme të thuash të vërtetën sado e dhimbshme të jetë ajo.

Ju jam drejtuar juve z. Berisha sepse të bësh një denoncim të tillë te autoritetet përkatëse është shumë e rrezikshme.

Arsyet që më shtynë të ju shkruaj janë:

1. Autoriteti i Aviacionit Civil është kthyer në Agjensi të paaftësh dhe të korruptuarish të punësuar nga partia në pushtet. Kjo Agjensi është kthyer në shërbim të Kompanisë ajrore Albawings e lidhur me pushtetin me fije të padukshme. Drejtuesit e AAC janë paguar rregullisht nën dorë nga kompania ajrore në fjalë për të arritur qëllimet e veta në kurriz të sigurisë së udhëtarëve. Situata është serioze deri në atë masë sa të vihet në rrezik jeta e njerëzve që udhëtojnë me këtë kompani, sepse AAC ka mbyllur vazhdimisht njërin sy dhe ka lejuar që të shkelen hapur rregullat e aviacionit civil.

2. Pronarët e kompanisë (jo fasada por të vërtetet) kanë një të shkuar të errët dhe të mbushur me vepra penale.

3. Drejtuesit e administratës së aeroportit dhe të sigurisë së tij janë vënë në shërbim të kompanisë Albawings sepse disa prej tyre paguhen nën dorë nga kjo e fundit. Këta drejtues të korruptuar hapin probleme nga më të ndryshmet ndaj operatorëve të tjerë dhe nga anën tjetër suportojnë kompaninë në fjalë me të padrejtë duke thyer cdo rregull të konkurencës së ndershme.

Respekte /CNA.al