web counter
LEXO PA REKLAMA!

SHKARKO APP

App Store
Google Play

E fundit!

x

PD e përjashtoi/ Rudina Hajdari sfidon Bashën

14 Mars 2019, 15:35, Aktualitet CNA

Partia Demokratike, përjashtoi deputeten Rudina Hajdari, e cila nuk pranoi t?i bashkohej vendimit të partisë dhe kryetarit Lulzim Basha për djegien e mandateve.

Ndërkohë, që kreu i PD-së Lulzim Basha vazhdon takimet e tij qytet më qytet për të ftuar njerëzit në protestën e 16 Marsit, në një linjë tjetër duket deputetja Hajdari.

Në një postim në rrjetet sociale Hajdari ka bërë publik takimin e saj me ambasadoren Gjermane në Tiranë me të cilën ka diskutuar rreth situatës politike në vend.

Sipas Hajdaritm, ajo i ka shprehur ambasadores shqetësimet e saj në lidhje me modelin që po ndjek politika në Shqipëri.

Postimi i plotë i Hajdarit:

Takim me Ambasadoren e Gjermanisë në Tiranë, Znj. Sussane SHÜTZ.

Diskutuam për situatën e vështirë dhe shumë delikate në të cilën ndodhet vendi dhe institucionet Shqiptare aktualisht.

Miqtë tanë Evropianë dhe Gjermanë janë tepër të shqetësuar për krizën politiko-institucionale në vend ashtu sikurse është i shqetësuar çdo qytetar Shqiptar.

BE kërkon me të drejtë përgjegjshmëri të lartë dhe integritet nga politikanët Shqiptare, nga qeveria dhe opozita.

Është e papranushme që politika në tërësi të vazhdojë me modelin e vjetër që nuk përfaqëson aspak qytetarët Shqiptarë, aspiratat, qëllimet dhe vlerat e tyre. Dorëzimi në bllok i mandateve nga ana e opozitës nuk është zgjidhje ashtu siç nuk është aspak zgjidhje arroganca qeveritare.

Sjellja e politikës Shqiptare sot është modeli më i keq i mundshëm që po i ofrojmë qytetarëve Shqiptarë dhe sidomos të rinjëve. Nuk mund të rrimë duarkryq dhe të presim që ky ngërrç i paprecedent politiko-institucional të zgjidhet vetë. Situata mund të agravojë kur aktorët nuk vlerësojnë siç duhet rrethanat. Të gjithë aktorët kanë detyrimin që të reagojnë sa më parë për të orientuar një zgjidhje politike të gjithëpranueshme për krizën e paprecedentë në cilën gjendet sot Shqipëria, për një zgjidhje që siguron në radhë të parë interesin qytetar dhe kombëtar, pa ceduar demokracinë me qëllim që të ndikojmë pozitivisht të ardhmen e Shqipërisë dhe anëtarsimin e saj në BE./CNA.al

 





Lajmet e fundit nga