Hetimet mbi lobimin rus të Bashës/ Mbërrijnë dy letër porosi në Prokurori

5 Mars 2019, 16:24, Aktualitet CNA

Hetimet mbi lobimin rus të Bashës/ Mbërrijnë dy letër

Kreu i grupit parlamentar të Partisë Socialiste Taulant Balla, ka thënë se në Prokurori kanë mbërritur dy letër porosi që kanë lidhje me lobimet ruse të kreut të PD Lulzim Basha.

Sipas Ballës bëhet fjalë për dy letër porosi të ardhura nga Shtetet e Bashkuara të Amerikës dhe Skocia.

” Ka pasur një akuzë, unë kam qenë i drejtpërdrejtë asokohe, në emër të PS-së, për një skemë financimi të dyshimtë me shumë para 650 mijë dollarë, në interes të Bashës, në dëm të Shqipërisë. Një akuzë që sot është në hetim, dhe për shkak se është në hetim kam mbyllur gojën për të pritur rezultatet e hetimit. Ky është një hetim që përfshin një skemë financimi të dyshimtë, me burime që vijnë nga Rusia, me oligarkë rusë, sipërmarrës rusë, që janë financuar nga shteti përmes punëve publike në vendin përkatës, dhe që një pjesë të këtyre financimeve janë gjetur përmes kompanive guackë, të kenë financuar lobimin kundër Shqipërisë. Për këtë çështje kanë ardhur dy letër porosi në Prokurori, nga SHBA dhe Skocia. Po presim nga prokuroria letër porositë për ndikimin rus, financimin rus të Bashës në vitin 2017, jam i sigurt që letërporositë kanë ardhur”,- ka thënë Balla në “Report Tv”.

Sipas deputeti socialist, hetimi që përfshin Lulzim Bashën për historinë e kompanisë guackë është një hetim që zhvillohet njëkohësisht në tre shtete të paktën, për të mos thënë edhe në Belize, vendi i një prej kompanive offshore.

“Një shërbim që është kryer në favor të porositësit Basha në Tiranë, kemi një kompani të hapur për këtë transkaksion “Biniata Trade” në Skoci, dhe një shërbim të kryer në SHBA. Për SHBA ky është një krim federal që hetohet nga Byroja Federale e Hetimit. Nuk dua të bëj komente sa kohë janë duke u bërë hetime. Ne rezervohemi për të vijuar akuzat publike. Kemi plot informacione”, –ka nënvizuar Balla./CNA.al

Lobimi rus i Bashës/ KQZ hesht skandalin

Lobimi i PD ?së/ Balla: Lulzim mos u fshih, dil e sqaro, financimin rus

Lobimi i PD në SHBA/ Elisabeta Imeraj përballë Lulzim Bashës

Sërish skandal me firmat e lobimit/ Basha paguan 40 mijë dollarë për të nxirë Shqipërinë