E fundit!

18:28 Aktualitet

Të enjten seanca e fundit e sesionit parlamentar/ Në rend dite, një sërë projektligjesh

Seanca e fundit plenare e këtij sesioni parlamentar do të ...

Klanet në KLP/ Arta Marku ndëshkoi prokuroren Antoneta Sevdari

2 Mars 2019, 09:58, Aktualitet CNA

Klanet në prokurori janë zhvendosur në KLP. Edhe në institucionin e prodhuar nga reforma në drejtësi janë krijuar klanet. Prokurorja e Përgjithshme e përkohshme Arta Marku, e cila synon të ruajë pozicionin që mban, ka krijuar klanin e saj në KLP.

Kjo u duk qartë dhe në mbledhjen që u zhvillua për shkarkimin e saj, pas kërkesës së Opozitës. Një gjë e tillë është pasyqruar edhe më herët në KLP. Në seancën kur i diskutua për rikthimin tek Krimet e Rënda, për dy prokurorët Olsian Çela dhe Besim Hajdarmata, klani i Arta Markut, votoi kundër edhe pse përballë kishin vendime gjykate.

Pas këtyre veprimeve ka nisur ndëshkimi i anëtarëve që kundërshtojnë Arta Markun në KLP. Ndëshkimi nisi me anëtaren Antoneta Sevdari dhe të gjitha gjasat tregojnë se të njëjtin fat do të ketë edhe anëtari tjetër Gentjan Osmani. Edhe ky i fundit është ankimuar nga Komisioneri Publik në KPA, për çështje të pasurisë.

Ndërkohë e shkarkuara Antoneta Sevdari pritet të zëvendësohet nga prokurori i Krimeve të Rënda Dritan Prençi, i cili e ka kaluar Vettingun.

Në këtë mënyrë Arta Marku do të ketë shumicën për t’u zgjedhur në krye të Prokurorisë së Përgjithshme.

Shkarkimi i prokurores Sevdari

Javën që shkoi Kolegji i Posaçëm i Apelimi shkarkoi nga detyra prokuroren dhe njëherësh anëtaren e Këshillit të Lartë të Prokurorisë, Antoneta Sevdari.

Trupi gjykues i Kolegjit të Posaçëm të Apelimit, i përbërë nga Luan Daci kryesues, Sokol Çomo relator, Ardian Hajdari, Ina Rama, Rezarta Schuetz anëtarë, vlerësoi se subjekti i rivlerësimit Antoneta Sevdari ka kryer deklarim të pamjaftueshëm në kuptim të pikës 3 të nenit D, të Aneksit të Kushtetutës, nenit 33, pika 5, shkronja ?b? të ligjit 84/2016, dhe se nga vlerësimi tërësor i të tre kritereve në kuptim të nenit 4, pika 2 të ligjit 84/2016, rezulton se ka cënuar besimin e publikut tek sistemi i drejtësisë.

Në këtë mënyrë KPA vendosi, ndryshimin e vendimit nr.42, datë 18.07.2018 të Komisionit të Pavarur të Kualifikimit, duke vendosur shkarkimin nga detyra të subjektit të rivlerësimit znj.Antoneta Sevdari.

Vendimi erdhi pas ankimimit që bëri Komisioneri Publik, i cili kërkoi rihapjen e hetimeve ndaj saj.

Kujtojmë se me 18 Korrik 2018, prokurorja Sevdari, e cila iu nënshtrua me përparësi Vettingut, pasi ishte kandidate për në KLP, u rikonfirmua në detyrë.

Shkarkimi i Sevdarit ishte suprizë për të gjithë gjyqtarët dhe prokurorët, pasi subjekte të caktuara për të cilët janë konstatuara të njëjtat probleme si Sevdari nuk janë shkarkuar as në shkallën e parë dhe as në shkallën e dytë pas ankimimit të Komisionerit Publik.

Sevdari e ka filluar karrierën si prokurore në Prokurorinë e Rrethit Gjyqësor Durrës në vitin 2002 dhe në vitin 2013 ajo është transferuar në Prokurorinë e Rrethit Gjyqësor Tiranë, ku ka qenë pjesë e task-forcës kundër krimit ekonomik dhe korrupsionit./CNA.al

Shkarkimi i Arta Markut/ Gent Ibrahimi tenton t’i shpëtojë skandalit

Hajdarmataj dhe Çela fitojnë ?betejën? ndaj Markut

Shkarkohet anëtarja e KLP/ Pritet “koka” e prokurores Antoneta Sevdari