web counter
LEXO PA REKLAMA!

SHKARKO APP

App Store
Google Play

E fundit!

x

Emrat/ Timoni i Qeverisë në duart e ish-drejtorëve të Bashkisë

2 Mars 2019, 14:13, Aktualitet CNA

Kryeministri Edi Rama, duket se e ka kthyer Qeverinë në Bashki.

Ministritë apo dikasteret kryesore po drejtohen nga ish-drejtorët e bashkisë së Tiranës.

Nga Belinda Balluku, Ogerta Manstirliu, Sonila Qato, Eduard Shalsi, Dritan Agolli dhe deri tek, Vali Bizhga, Artan Shkreli, Artan Lame, Belinda Ikonomi, Blendi Gonxhe dhe të tjerë, qeverisin në nivel ministrash apo drejtues institucionesh të rëndësishme.

Pjesa më e madhe janë ish-drejtorë bashkiakë në kohën kur Kryemnistri Edi Rama, udhëhiqte  Bashkinë e Tiranës.

Belinda Balluku, e cila ka qenë drejtore e marrëdhënieve me mediat në Bashkinë e Tiranës, me 28 Dhjetor u emërua në krye të Ministrisë së Infrastrukturës dhe Energjetikës.

Ogerta Manastirliu e cila drejton Ministrinë e Shëndetësisë ka qenë ish- drejtoresha e Strehimit në Bashkinë e Tiranës.

Eduard Shalsi, i cili ka qënë nënkryetar Bashkie, është emëruar në krye  të Ministrisë për Mbrojtjen e Sipërmarrjen.

Artan Shkreli nga ish-drejtor në Bashkinë e Tiranës është emëruar, zv/ministër i Infrastrukturës dhe Energjisë.

Hantin Bonati, i cili ka qenë  Drejtor për Territorin në Bashkisë së Tiranës, është emëruar zv.ministër tek Ministria e Infrastrukturës.

Ish- Drejtorja e Kabinetit të Kryetarit të Bashkisë së Tiranës që drejtohej nga Rama, Vali Bizhga, është emëruar Drejtoreshë kabineti në Qeveri.

Ish-nënkryetari i Bashkisë Blendi Gonxhe, është emëruar në krye të  Drejtorisë së Patentave.

Ish-Drejtori i i përgjithshëm i Punëve Publike në Bashki, Dritan Agolli, është emëruar në krye të FZHSH.

Sonila Qato, ish-drejtoreshë e Urbanistikës, ndërsa më vonë kaloi në krye të Autoritetit Rrugor Shqiptar.

Ish-Drejtoresha e Infrastrukturës Albana Koçiu është emëruar në krye të DAP-it.

Ish-drejtorja e përgjithshme në Bashkinë e Tiranës, Majlinda Dhuka, punon në Kryemistri si Drejtore e Departamentit të Programimit, Zhvillimit, Financimeve Ndihmës së Huaj.

Nga drejtoreshë pastrimi në Bashki, Anila Shehu, është bërë drejtoreshë e ?Qytetit Studenti?.

Edhe Artan Lame, i cili ka qenë pjesë e stafit të Ramës, në Bashkinë e Tiranës është emëruar  Drejtor i Agjencisë së Legalizimeve.

Vasilika Vjero ka qenë drejtore e Taksave në Bashkinë e Tiranës, ndërsa sot është në krye të Drejtorisë së Tatimeve.

Belinda Ikonomi nga këshilltare e Ramës është emëruar në krye të Doganave.

Nga drejtor i Punëve Publike në Bashkinë e Tiranës kur ajo drejtohej nga Rama, Arben Seferaj është emëruar Drejtor i Inspektoratit të Punës./CNA.al





Lajmet e fundit nga