E fundit!

18:12 Aktualitet

Nis protesta e pestë e qytetarëve në Tiranë

Mbahet ditën e sotme protesta e radhës e qytetarëve në Tir...

I gatshëm të marrë pjesë në zgjedhjet e ardhshme/ Njihuni me Koalicionin e ri politik

2 Mars 2019, 19:10, Aktualitet CNA

Koalicioni Qytetar për Shqipërinë në një postim në rrjetet sociale ka reaguar në lidhje me pranimet e mandateve nga disa prej kandidatëve pasardhës në listat zgjedhore të vitit 2017.

Sipas Koalicionit Qytetar për Shqipërinë, çdokush që pranon mandatin kthehet në shtojcë të mazhorancës.

Më tej në reagim shkruhet se ky sistem politik u konsolidua si një shtet i kapur, sunduar dhe privatizuar nga Oligarkia kriminale Sorosiane.

Koalicioni Qytetar për Shqipërinë shpreh gatishmërinë e tij për të marrë pjesë dhe për të konkuruar në zgjedhjet e ardhshme parlamentare.

Postimi i plotë:

Reagim i Koalicionit Qytetar Për Shqipërinë në lidhje me pranimin e mandateve të deputetëve të listave të Opozitës ish Parlamentare

Tiranë 2 Mars 2019

Dorëzimi i Mandateve të Opozitës aktuale ishte rruga e vetme drejt Zgjedhjeve të parakohshme Parlamentare dhe Lokale, për të ndaluar vazhdimin e zbatimit të Fazës Finale të AXHENDËS SOROS për Rrënimin, Falimentimin dhe Shpopullimin e Shqipërisë.

Çdo kush nga listat e Opozitës, që pranon mandatin e deputetit ?të radhës? dhe kërkon të prezantohet si ?Opozitë Parlamentare? po i shërben me vetëdije Pushtetit Kriminal dhe nuk është gjë tjetër veçse shtojcë e kësaj Mazhorance që bashkëvepron kundër interesave të shqiptarëve.

Opozita aktuale megjithse është gjysma e të keqes politike dhe historike të Shqipërisë, me dorëzimin e mandateve i dha fund rolit të Opozitës si fasadizëm demokratik në ngritjen e një sistemi politik diktatorial në duart e Mafies Soros!

Ky sistem politik u konsolidua si një shtet i kapur, sunduar dhe privatizuar nga Oligarkia kriminale Sorosiane pas Grushtit të Shtetit Sorosian të ndodhur përgjatë fushatës dhe zgjedhjeve elektorale të 2017 të dirigjuar nga Edi Rama dhe Lulzim Basha.

Koalicioni Qytetar ?PËR SHQIPËRINË? është i gatshëm të konkurojë me sukses përballë të gjithë faktorëve elektoralë në Zgjedhjet e ardhshme Parlamentare dhe Lokale dhe do të kthejë në Shqipëri shpresën se:

Shqipëria do të jetë vendi më i mirë ku duhet të jetojnë shqiptarët!

Mjafton të shporrim me votë bandën që kanë kapur Shtetin, Politikën, Ekonominë dhe Shoqërinë dhe të heqim dorë nga modeli dhe mentaliteti kolektiv qeverisës i tranzicionit 29 vjeçar!/CNA.al