Anulimi i takimit në Shkodër/ Ademi “shpall” të padëshiruar Ramën

2 Mars 2019, 16:17, Aktualitet CNA

Kryetarja e Bashkisë së Shkodrës, Voltana Ademi, ka reaguar lidhur me anulimin e vizitës së planifikuar në këtë qytet nga kryeministri Edi Rama.

Sipas Ademit, të dërguarit e Ramës kanë zgjedhur Shkodrën për të lëshuar sinjale politike, pasi e dinë që në Shkodër do të jenë humbës.

Më tej ajo thekson se Rama e ka humbur Shkodrën jo vetëm në zgjedhjet e 2015-tës, por edhe me zhgënjimin që i solli qytetarëve në 6 vite qeverisje.

?Të dërguarit e Ramës zgjodhën Shkodrën për t’i lëshuar mesazhe opozitës pasi e dinë se në Shkodër nuk mund të përballen drejtpërdrejtë me qytetarët pasi ata do ti jepnin përgjgjen më të mirë, se përse Rama është i padëshiruar në këtë qytet.

Ato mund të bashkohen vetëm me njeri- tjetrin duke bërë demagogji politike, dhe sulme ndaj opozitës por nuk mund të përballen me banorët e këtij qyteti të braktisur nga qeveria.

Rama e ka humbur Shkodrën, jo vetëm në zgjedhjet e 2015-ës, por zhgënjimi ka ardhur duke u thelluar më shumë ndaj tij, pasi në 6 vite nuk është kujtuar për Shkodrën duke i sjellë këtij qyteti vetëm papunësi, korrupsion, mungesë shërbimi, mashtrime dhe bandat e krimit.

Deputetët që vijnë rrallëherë e vetëm në fundjavë në Shkodër, mund t’a konfirmojnë këtë fare mirë, duke pyetur shkodranët për shëndetësinë, arsimin, ndihmën ekonomike, energjinë elektrike, biznesin dhe gjobëveniet e tatimeve e veçanërisht ato të krimit.

Të marrë guximin një ditë të vetme Rama dhe grupi i tij që ngushtohet dita ditës, të bëjnë një xhiro siç bëj unë në rrugët e Shkodrës e të fshatrave të saj dhe do ta kuptojë se pse është i paftuar në Shkodër.

Shkodranët kanë ditur përherë t?i tregojnë vendin Ramës dhe etërve të tyre politikë dhe kurrë, asnjë shfaqje në ambjente të mbyllura në makina luksoze, nuk do të impresionojë shkodranët.?,-ka shkruar Ademi në një postim në rrjetet sociale.

Në mbyllje të reagimit Ademi, ka theksuar se është e bindur se sipas saj, Rama do t?ia kursejë vetes ardhjet e tepërta në qytetin e antikomunizmit, i cili e ka demostruar me votë dhe përçmim keqqeverisjen e tij./CNA.al