web counter
LEXO PA REKLAMA!

SHKARKO APP

App Store
Google Play

E fundit!

x

Gjyqi me Ballën/ Shkëlzen Berisha i përmend udhëtimet me trafikantin e drogës

27 Shkurt 2019, 12:46, Aktualitet CNA

Krimet e Rënda kanë shqyrtuar sot padinë për shpifje që djali i ish- kryeministrit Sali Berisha ka bërë ndaj kreut të Grupit Parlamentar të PS -së Taulant Balla. Ky i fundit nuk ka marrë pjesë në seancë.

Ndërkaq, sipas Shkëlzen Berishës gjatë seancës i rëndësishëm ishte fakti që vetë dokumentacioni që ka sjellë para gjykatës deputeti socialist.

“Dokumentacioni që e paraqiti i akuzuari, të cilin e ka marrë gjatë komisionit parlamentar vërteton që unë kam paguar 16 milionë lekë taksa dhe i akuzuari ka qenë në dijeni të kësaj pagese në momentin kur ka kryer shpifjen.  Kjo është e rëndësishme sepse kjo provon që “shpifja” ka konsumuar veprën penale me shpifje në fjalë sepse ka qenë në dijeni të faktit që po bën një deklaratë të rreme?,tha Berisha pas përfundimit të seancës.

Më tej Berisha ka komentuar edhe mungesën e Ballës në gjyq.

Sipas të njëjtit, arsyeja e mungesës është, pasi nuk ka dashur të japë përgjigje mbi 20-30 udhëtime që ka kryer me trafikantin e drogës Edmond Bego në vendet e Evropës.

“Pasi është kthyer nga këto udhëtime Edmond Bego ka fituar në kundërshtim me ligjin mbi 6 milionë dollarë para nga taksat e shqiptarëve, ndërkohë që nuk duhet të lejohej të merrte pjesë në garë dhe jo më të fitonte”, ka thënë Berisha./CNA.al





Lajmet e fundit nga