web counter
LEXO PA REKLAMA!

SHKARKO APP

App Store
Google Play

E fundit!

x

Kur opozitën e tërheq zvarrë Blloku

27 Shkurt 2019, 12:45, Aktualitet CNA

E dhimbshme, e turpshme dhe e papranueshme për demokratët, nacionalistët, ish-të përndjekurit dhe ish- pronarët, që janë shtyllat e vërteta të opozitës, nën siglën e PD, por edhe  për partitë e tjera aleate të saj.

Blloku i dikurshëm ku jetonin dhe drejtonin, paçka e krimit të diktaturës, sot po tërheq zvarrë Opozitën dhe kjo me disa fakte dhe prova.

Lulzim Basha nuk duket të jetë parimor dhe të vlerësoje themelet dhe vlerat e PD, por ai luan lojën si t’i vijë dhe si t’i mundet.

Dje, Monika Kryemadhi na tha, se kishte parë në protestë komunistë, në krah të Lulzim Bashës, kishte qenë dhe nipi i Nexhmije Hoxhës, vejushës së diktatorit Hoxha. Sajmir Xhunglini, ish -drejtor i LSI-së ishte protestues kryesor. Por, nipin e vejushës së diktatorit e mësuam, sepse na e tha publikisht Mona, e cila përfaqëson edhe rryma të ekstremit të majtë.

Por, a mund ti falet kjo PD-së, Tomor Alizotit që nuk po flet, Jorida Tabakut, Belind Këlliçit e shumë të tjerëve? Që Enno Bozdo nuk flet apo Ristani kjo ka kuptim, se të tilla lidhje kanë patur me sistemin, por të jetë Alizoti në krah të vejushës së diktatorit e cila ka zbritur në protestë nëpërmjet nipit, kjo duket jo fyese, por poshtëruese për demokratët e vërtetë.

Gjithsesi, këtë pjesën e Xhunglinit e mësuam nga Mona e Ilirit me bllok në dorë, por të paktën ai është thjeshtë protestues. Problemi bëhet edhe më i madh kur shikon sesi Andi Bushati, nipi i Hysni Kapos, një marksist në ide dhe veprime tërheq zvarrë dhe udhëheq koalicionin opozitar kundër socialistëve trashëgimtarë të PPSH-së, atëherë kupton se ku ka përfunduar Luli.

Kur demokratët bërtisnin për aksionin opozitar dhe djegie mandatesh, Lulzim Basha thoshte, se ishte perëndimor dhe nuk e bënte dot, pasi nuk e lejonte Merkel dhe Trump.

Por, pasi Andi Bushati shkruajti disa editoriale dhe i dha garanci Lulit se do e mbështeste kundër partisë së gjyshit të tij problem, duket se u zgjidh. Lulzim Basha dogji mandatet dhe nuk po pyet as për Merkel e as për Trump, por bën çfarë i thotë Bushati, i cili duket se po tërheq zvarrë opozitën.

Dhe këtu kauza merr fund. Sepse idetë dhe aksionet i propozon dhe mbështet nipi i Hysni Kapos dhe në protestë lufton nipi i Nexhmije Hoxhës me disa komunistë të Monës. Në protestë mungon vetëm fotoja e diktatorit dhe Rama ka rënë. Po PD dhe demokratët përse kanë luftuar dhe po protestojnë, që të tërhiqen zvarrë për Bllokun dhe nga Blloku?/CNA.al

Në protestë me nipin e Nexhmijes dhe Enveristët e Ilir Metës

E thotë Kryemadhi: Nipi i Nexhmije Hoxhës në krah të Lulzim Bashës





Lajmet e fundit nga