web counter
LEXO PA REKLAMA!

SHKARKO APP

App Store
Google Play

E fundit!

x

Gazetari denoncon skandalin/ Ja si Veliaj helmon fëmijët

27 Shkurt 2019, 12:33, Aktualitet CNA

Gazetari Eduard Ilnica, ka publikuar në rrjetet sociale disa foto të një fabrike që prodhon zift dhe asfalt dhe që nxjerr tym helmues. Sipas gazetarit, fabrika është e ndërtuar në një zonë të banuar afër urës së Babroit, në Allias.

Gazetari akuzon Edi Ramën dhe Lulzim Bashën, të cilët gjatë fushatave zgjedhore kanë premtuar spostimin e kësaj fabrike, por një gjë e tillë nuk ka ndodhur kurrë.

?Ajo është aty që prej gati 30 vitesh, ka qenë helmuese edhe atëherë, është edhe më shumë tani, sepse prodhohet shumë më shumë.
Një mini-fabrikë që prodhon zift, asfalt dhe kushedi sa gjëra të tjera, ditë-natë që nxjerr tym helmues dhe që bie mbi shtëpi, shkolla, cerdhe, qendër shëndetësore, etj?
Kjo ndodhet pranë bregut të lumit, afër urës së Babroit, Allias. Një zonë që është populluar kryesisht pas vitit 1997. Edi Rama e premtoi që do ta hiqte e spostonte gjatë cdo fushate për kryetar bashkie, por nuk e bëri gjatë 12 viteve.
Pastaj erdhi Lulzim Basha, edhe ky të njëjtin premtim bëri, por jo, tymi ngeli aty, fabrika vetëm sa shtoi intensitetin, shtoi helmin për banorët përeth dhe më tutje.?-shkruan gazetari Ilnica.

Ndërsa më tej, ai shigjeton kryebashkiakun aktual të Tiranës, Erion Veliaj, i cili jo vetëm që nuk e spostoi fabrikën në fjalë, por për më tepër ka ndërtuar pranë saj shkollë, kopësht dhe çerdhe.

?Tashmë prej 4 vitesh është Erion Veliaj. Ky ka një paradoks të madh. Jo vetëm që nuk spostoi fakrikën helmuese diku në periferi, por krejt ngjitur me të bëri shkollën ?Ardian Klosi?, cerdhe të re, qendër shëndetësore, që fëmijët të helmoshin edhe më shumë.?-thekson gazetari.

Gjithashtu ai paralajmëron kryebashkiakun e Tiranës, ndërsa thekson se ?Zoti Veliaj, njerëzit janë përpjekur të bëjnë vetëgjyqësi me këtë fabrikë, sërish do tentojnë, i dëgjoj nëpër biseda, ndërhyni para se të jetë vonë?Thonë që e rëna prej fikut është ndër më të dhimbshmet, prandaj kujdes!?./CNA.al





Lajmet e fundit nga