Connect with Us

Skandal tek Prokurimet/ Zbardhen shkeljet në tenderin për ujësjellësin e bregdetit të Kavajës

Aktualitet

Skandal tek Prokurimet/ Zbardhen shkeljet në tenderin për ujësjellësin e bregdetit të Kavajës

Publikuar

-

tenderin per ujesjelles

Procedurat e prokurimit “Shërbim Konsulence” me Objekt Loti 3, Studim projektim i furnizimit me ujë për zonat bregdetare, të njësisë administrative Synej, Bashkia Kavajë”, janë kryer në mënyrë të kundërligjshme.

Skandali është zbuluar, nga  kompanitë e skualifikuara nga gara. Skualifikimi i tyre është bërë me arsyetimin se nuk plotësonin Pikën 1.1.6. te DST, ekspert mjedisi me licensë profesionale në projektim.

Në fakt një licencë e tillë nuk ekziston dhe nuk ka ndonjë akt ligjor apo nënligjor që e përligj një gjë të tillë.

Me 10 Janar 2019, kohë kur Shoqëritë “Diper & HE & SK 11”, “Gjeokonsult & CO” sh.p.k., “Atelier 4& Infratech”si dhe “HUK Projekt” & “EBS” sh.p.k. ishin kualifikuar në procedurat prokurimit “Shërbim Konsulence” me Objekt Loti 3 -Studim projektim i furnizimit me ujë për zonat bregdetare, të njësisë administrative Synej, Bashkia Kavajë”, me Nr.REF – 89704- 10 -12 – 2018, Faza I,  Komisioni i Prokurimit Publik pa bërë njoftimet për veprimet procedurale sipas parashikimeve të nenit 147 e vijues të K.Pr.Administrative dhe në mungesë të subjekteve të interesuar ka marrë në shqyrtim ankimin e BOE “Invictus”sh.p.k. &“Leni-Ing” sh.p.k. &“D.T.Con” sh.p.k. &“UTS-01” sh.p.k., dhe me Vendimin Nr.1794-11-2019, ka bërë skualifikimin e tyre nga kjo garë, pasi nuk plotësonte Pikën 1.1.6. te DST, ekspert mjedisi me licensë profesionale në projektim.

Komisioni i Prokurorimit i përbërë nga Evis Shurdha, kryetar, Enkeleda Bega nënkryetare dhe anëtarët Vilma Zhupaj, Lindita Skeja dhe Merita Zeqaj, me datën, 10.01.2009 ka dalë në përfundimin se kompanitë ankuese nuk kanë ekspert mjedisi me licensë profesionale në projektim.

I njëjti Komisioi, një ditë më pas me datë 11.01.2019, mban të njëjtin qëndrim edhe pse një licensë për veprimtari në fushën e projektimit për mjedisin, nuk ekziston.

“Lidhur me pretendimet e BOE ankimues, mbi stafin kryesor dhe mbështetës të paraqitur nga BOE “Diper” sh.p.k. & “HE&SK 11” sh.p.k dhe BOE “Atelier 4” sh.p.k. & “Infratech” sh.p.k nga verifikimet e kryera, Komisioni konstaton se këta ofertues kanë dështuar për të përmbushur kriterin e vendosur nga autoriteti kontraktor në dokumentat e tenderit të procedurës së prokurimit objekt shqyrtimi, ndryshuar me shtojcën përkatëse, pasi BOE “Atelier 4” sh.p.k. & “Infratech” sh.p.k nuk ka paraqitur ekspert mjedisi të pajisur me licencë profesionale në projektim sikurse ka kërkuar autoriteti kontraktor”, thuhet në         Vendimin numër 1794.

Por, në të vërtetë ky është një nga lapsuset më unikale te administratës shtetërore post komuniste, pasi  kushdo që mund të bëjë kërkime shumë të thjeshta on-line për këtë rast, do të konstatojë që një licencë e tillë nuk ekziston dhë për rrjedhojë, nuk ekziston absolutisht asnjë ekspert mjedisi brenda vendit i licensuar për të ushtruar veprimtari në fushën e projektimit për mjedisin.

Kjo për faktin se në Republikën e Shqipërisë nuk ekziston asnjë akt ligjor apo nënligjor me fuqi juridike që të parashikojë pajisjen e personave fizike apo juridike me licensë profesionale projektimi në fushën e mjedisit. E thënë ndryshe, deri më sot në Republikën e Shqipërisë nuk ekziston absolutisht asnjë ekspert mjedisi i licensuar për të ushtruar veprimtari në fushën e projektimit për mjedisin.

I vetmi akt nënligjor që parashikon licensimin profesional të individëve dhe personave juridikë që do të ushtrojnë veprimtari në fushën e projektimit ku sigurisht që,nuk parashikohet asnjë kategori me përshkrimin “projektimi në fushën e mjedisit”, është Vendimi i KM Nr. 943, datë 28.12.2016, për disa  ndryshime dhe shtesa në vendimin nr.759, datë 12.11.2014, të Këshillit të Ministrave për licencimin  profesional të individëve dhe personave juridikë që do të ushtrojnë veprimtari në fushën e studimit  e të projektimit në ndërtim dhe mbikqyrjes e kolaudimit të punimeve të zbatimit në ndërtim.

Vendim ky të cilit i bashkëlidhet rregullorja për kriteret dhe procedurat e dhënies së licensave profesionale për individë dhe persona juridikë në fushën e studimit e të projektimit në ndërtim dhe mbikqyrje e kolaudimit të punimeve të zbatimit në ndërtim

Skandali është thelluar nga Komisioni i Prokurimit Publik, pasi ka shkelur barazinë e pjesëmarrësëve në këtë procedurë prokurorimi.

Pasi në një kohë që Komisioni i Prokurimit Publik ka skualifikuar nga gara 4 Bashkime operatorësh Ekonomik se nuk dispononin një licence profesionale, e cila nuk ekziston, ka kualifikuar BOE “Invictus”sh.p.k. &“Leni-Ing” sh.p.k. &“D.T.Con” sh.p.k. &“UTS-01” sh.p.k., ankues në këtë procedurë prokurimi, duke prezumuar që ky operator ekonomik e dispononte këtë licensë imagjinare.

CNA.al, më poshtë do të gjeni vendimet e Komisionit të Prokurorimit./CNA.al

file:///C:/Users/user/Downloads/Vendim%20Nr%201793%20-%2015-2019%20Loti%202%20Golem%20(3).pdf

file:///C:/Users/user/Downloads/Vendim%20Nr%201794%20-%2011-2019%20Loti%203%20Synej%20(2).pdf

 

 

Aktualitet

Dikur ishte ikona e Real Madridit/ Tani rrezikon 4 vite burg

Publikuar

-

Raúl González Blanco, ikona e Real Madridit dhe trajneri aktual i Real Madrid Castilla, është një hap larg që të gjykohet për krim ekonomik dhe do të vazhdojë të hetohet për paaftësi paguese, përvetësim dhe krim të koorporatave. Sipas gazetës “El Mundo” në vitin 2008 ka falimentuar një nga kompanitë e tij për të shmangur borxhin. Ai rrezikon nga një deri ne katër vite burg nëse shpallet fajtor për krime ekonomike.

Gjyqtarët urdhëruan që procesi kundër tij të vazhdoj. Kompania “Aurantia” pretendon nga Raul një borxh prej 7.17 milionë euro, duke përjashtuar interesin, për një investim të dështuar në një projekt për energjinë e rinovueshme në Cádiz.

Ata e akuzojnë atë për zbrazjen e kompanisë së tij të aksioneve të “Europa Scar Sport (ESS)” për të kursyer borxhin. Deri tani, legjenda e Madridit ka pohuar se nuk ka kryer parregullsi. “Aurantia” gjithashtu ka denoncuar vëllanë e tij Carlos Redondo dhe nënën e tij, Maria Luisa Blanco, të cilët ai i quajti administrator të ndërmarrjes së falimentuar pas transferimit të aseteve në kompani të tjera.

Ai është legjendë e Realit të Madridit, me 228 gola në 550 ndeshje, ndërsa ka shënuar 44 gola në 102 takime me përfaqësuesen e Spanjës. Por përpara ligjit të gjithë janë të barabartë dhe Raul do të mbaj përgjegjësi nëse shpallet fajtor.

LEXO TE PLOTE

Aktualitet

Tronditet Kukësi, Valdet Rama largohet për arsyen e çuditshme

Publikuar

-

Nga

Kukësi përmbylli sezonin e tashmë ka plot 6 futbollistë pa kontrata. Ata janë Valdet Rama, Besar Musolli, kapiteni Ylli Shameti, Simon Rrumbullaku, Stivi Frashëri e Ardian Cuculi. Të gjithë këta futbollistë të Kukësit janë mjaft të lakmuar në merkato e ofertat në drejtim të tyre nuk kanë munguar.

Kjo listë me gjashtë emra ndahet në dy kategori, të afruar rishtazi po me shumë potencial si Valdet Rama, futbollistë stabël si Simon Rrumbullaku, Stivi Frashëri e Ardian Cuculi, e emblema si kapiteni Shameti dhe ndihmëskapiteni Musolli.  Kur për një pjesë të mirë prej tyre klubi ka besim se do qëndrojnë, e kundërta ndodh me ish-yllin e Kombëtares Valdet Ramën, shkruan “Panorama Sport”.

LARGIMI

Sulmuesi 31-vjeçar ishte një nga afrimet më të mira në emër dhe potencial i të gjitha kohërave te Kukësi, aq sa dhe pse lojtari kishte më shumë se një vit pa luajtur, i gjithë opinioni sportiv në vend e trumbetoi me të madhe afrimin e tij te Kukësi. Dhe pse Rama vetë nuk pranoi të prezantohej më si “yll” dhe me shumë bujë, ai zgjodhi të punojë në fushë. Dhe ia doli.

Për diçka më tepër se një muaj ai arriti të debutojë me Kukësin, e më pas punoi duke luajtur 10 takime në Superiore e duke shënuar 2 gola. Luajti 4 takime në Kupën e Shqipërisë ku shënoi 1 gol e dy në Kupat e Europës. Pra, dhe pse kishte më shumë se një vit pa luajtur, ai e arriti shpejt formën fizike dhe performoi mjaft mirë te Kukësi, ku në pak kohë u bë një prej shtyllave të ekipit. Kontrata e Ramës ishte 6 muaj me të drejtë rinovimi për një vit me Kukësin, por nga burime të sigurta pranë lojtarit, gazeta mëson se ai nuk do të jetë më pjesë e Kukësit për sezonin e ri. Nuk do të rikthehet më te Kukësi.

Gazeta mëson ekskluzivisht dhe arsyen se pse 31-vjeçari është krisur me klubin. Rama është paguar korrektësisht me data dhe çdo gjë sipas kontratës deri në momentin e përfundimit të Kupës së Shqipërisë. Ai ka pasur një bonus prej 5 mijë eurosh për të marrë nga Kukësi si pasojë e fitimit të Kupës së Shqipërisë, të cilën nuk e ka marrë. Ky veprim i pakoordinuar dhe i papaguar në kohë përmes drejtuesve të klubit ka bërë që futbollistit t’i mbetej hatri dhe të mendonte largimin. Kjo jo për shumën, por për gjestin.

Tashmë mbetet për t’u parë çfarë do të ndodhë, por një rikthim i Ramës duket i pamundur. Në adresë të 31- vjeçarit kanë ardhur disa oferta mjaft interesante nga Gjermania, Kroacia, Kazakistani e Katari, madje dhe nga klube të tjera shqiptare, sidomos prej dy ekipeve të kryeqytetit, të cilat mbeten për t’u vlerësuar nga Rama dhe menaxheri i tij. Drejtori Nexhipi është angazhuar për të negociuar me sulmuesin e krahut, por do ta ketë mjaft të vështirë ta bindë.

LEXO TE PLOTE

Aktualitet

Leku forcohet më shumë se të gjitha monedhat rajonale/ Shqipëria humb avantazhin konkurrues

Publikuar

-

Nga

Shqipëria vijon të ketë deficit të lartë të llogarisë korente në raport me Rajonin, por në paradoks më këto zhvillime monedha vendase është mbiçmuar ndjeshëm në tregun valutor në raport me monedhat e vendeve fqinjë.
Sipas grafikut bashkëngjitur një përpunim të dhënash i Fondit Monetar Ndërkombëtar kursi real efektiv i këmbimit (REER) (vlera e jashtme e monedhës së një vendi kundrejt monedhave të partnerëve të tij më të rëndësishëm) është rritur ndjeshëm që nga viti 2015 duke tejkaluar monedhat e të gjithë fqinjëve rajonale edhe pse disa prej tyre kanë përjetuar përmirësim të deficitit tregtar gjatë periudhë 2014-2018. Pothuajse 80 për qind të shkëmbimeve tregtare Shqipëria i ka me vendet e Eurozonës të cilat kanë në përdorim monedhën e përbashkët euro. Për pasojë forcimi i lekut në kursin real efektiv të këmbimit pasqyron mbiçmimin e lekut ndaj euros gjatë viteve të fundit.

Forcimi i lekut me rreth 12 pikë përqindje në katër vitet e fundit me monedhat ku Shqipëria shkëmben mallra dhe shërbime e ka bërë Shqipërinë më pak konkurruese edhe në raport me Rajonin. Kjo po reflektohet së fundmi edhe më rënien e eksporteve në vlerë, pas më shumë se dy dekada rritje të vazhdueshme.
Nga janari 2005 deri në fund të vitit 2007 Leku shqiptar ishte forcuar me ritme të ta lartë se monedhat rajonalë, por [as krizës së vitit 2008 kursi i këmbimit të lekut më valutat kryesore pësoi rënie. Nga viti 2008 deri në vitin 2014, dinarit serb dhe atij maqedonas ishte më e lartë. Madje në vitin 20011 leku performoi shumë më dobët se monedhat e vendeve të Europës Lindore.
Forcimi i lekut mori kthese në maj të vitit 2014 dhe vlera e tij u rrit me ritme të shpejta, duke tejkaluar të gjitha monedhat e rajonit. Në janar të vitit 2019, vlera e lekut në tregun e këmbimit tejkaloi edhe ritmet e dinarit Serb i cili kishte performancën më mirë në këmbimin valutore në raport me rajonin.

Nga ana tjetër Shqipëria në fund të vitit 2018 kishte deficitin e llogarisë korrente më të lartin në Rajon pas Malit të Zi dhe Kosovës.

Shqipëria është një vend me një ekonomi të vogël e të hapur, ndaj dhe kursi i këmbimit të lekut luan një rol të rëndësishëm në ndikimin e nivelit të çmimeve në Shqipëri dhe në bilancin e pagesave në vend. Gjithashtu, hapja e ekonomisë shqiptare gjithnjë e më shumë ndaj tregjeve të huaja, përbën një interes të veçantë lidhur me pozitën konkurruese të bizneseve shqiptare në tregtinë në vend dhe jashtë tij./ Monitor

LEXO TE PLOTE