web counter
LEXO PA REKLAMA!

SHKARKO APP

App Store
Google Play

Dhurata 5 mln euro e suedezit/ 800 mije euro për të blerë pronat e dy deputetëve

30 Janar 2019, 20:22, Aktualitet CNA

Një pjesë e 5 milionë eurove të dhurara nga manjati suedez i supermarketeve për familjen lezhjane Voci, janë shpenzuar për të blerë prona nga dy deputetë të opozitës.

Lajmin e ka bërë të ditur TCH, sipas të cilit thuhet se dy prej apartamenteve i janë blerë deputetit Edi Paloka, një me vlerë 87.5 milionë lekë dhe një tjetër 70 mijë euro. Ndërsa vëllai i deputetit demokrat, Flamur Hoxha, Bedri Hoxha, i janë blerë 3 apartamente dhe 3 garazhe, në vlerën 729 mijë euro.

Pronat në fjalë dhe një serë apartamentesh e pronash, janë të bllokuara nga shteti. Prokuroria, thotë në kërkesën e saj përpara gjykatës se, pasi ka parë transaksionet e bëra nga suedezi në drejtim të familjes Voci, i ka lindur dyshimi i arsyeshëm për një skemë për të kryer pastrim të produkteve të veprës penale, si dhe dyshime mbi burimin e fondeve dhe aktivitetin e kryer.

Pjesa më e madhe e këtyre apartamenteve janë blerë në Gusht të 2018.

Për prokurorinë, transfertat e parave që janë bërë në llogaritë bankare të dy të moshuarve nga suedezi Lindholm, janë parë si të dyshimta dhe i është kërkuar gjykatës të vazhdojë hetimin.

Ndaj, për Prokurorinë ka arsye të mjaftueshme se në këtë rast është kryer vepra penale e pastrimit të produkteve të veprës penale, ose veprimtarisë kriminale. /CNA.al





Lajmet e fundit nga