E fundit!

13:05 Politikë

Kërkesë e dytë nga SPAK për heqjen e imunitetit të Ballukut?/ Përgjigjet Balla

Deputeti i PD-së Belind Këlliçi kërkoi në Kuvend informaci...

Saimir Tahiri sfidon Krimet e Rënda

28 Janar 2019, 12:46, Aktualitet CNA

Ish-ministri i Brendshëm, Saimir Tahiri ka ankimuar vendimin e Prokurorisë për Krimet e Rënda, për zgjatjen e afatit të hetimeve ndaj tij. Saimir Tahiri kërkon që dosja të shkojë për shqyrtim në Gjykatë.

Në padinë e ish-ministrit në të cilën shkruhet se në zgjatjen 5 herë të afatit të hetimeve Prokuroria nuk ka marrë në konsideratë katër pika të rëndësishme.

Ato janë: rëndësia dhe vlera provuese e përgjigjeve që pritet nga letërporositë; lidhjen e përgjigjeve me ndonjë fakt penal; mundësinë që këto përgjigje mund të ishin marrë më përpasra nëpërmjet letërporosive qoftë nëpërmejt veprimeve të tjera hetimore dhe mundësinë se këto prova e përgjigje merren me afat më të shkurtër sesa afati 3 mujor i kërkuar nga Prokuroria për zgjatjen e hetimeve.

Në padi, ish-ministri shkruan se i kërkon Gjykatës së Shkallës së Parë për Krimet e Rënda që të përfundojë hetimet për të.

Kujtojmë këtu se që prej marsit të vitit të shkuar, Prokuroria për Krimet e Rënda ka kërkuar vetëm zgjatje hetimesh cdo tre muaj. Kur ka kaluar një vit, ende Prokuroria vijon me refrenin hetimet vazhdojnë, pa asgjë konkretë.

Prokuroria e Krimeve të Rënda ka zgjatur disa herë afatet e hetimet, pasi nuk ka mundur të sigurojë të gjitha provat që implikojnë Tahirin në trafikun e drogës me Habilajt.

Çdo herë që raportohet për shtyje të afatit të hetimeve, justifikimi është i njëjtë, ?po presim prova të reja?.

Shtyrja më e fundit e afatit të hetimeve është regjistruar me 17 janar 2019.

Prokurorët kanë kërkuar më shumë kohë për hetimin e Tahirit pasi janë në pritje të një përgjigjeje për një letër porosi të dërguar në Itali, si dhe duhet të kryhen disa veprime hetimore për përgjigjen e ardhur nga autoritetet e Malit të Zi, pas një letërporosie të dërguar në këtë vend.

Shtyrja e afatit të hetimit deri në 17 janar 2019 u bë me vendim të prokurorëve të çështjes Gentian Osmani, Dritan Prençi, Vladimir Mara dhe Arens Çela, pas përfundimit të afatit të vendosur më herët nga Gjykata e Krimeve të Rënda për këtë hetim.

Tahiri po hetohet në gjendje të lirë për akuzën e trafikut të drogës në bashkëpunim me grupe kriminale, hetim i nisur pas përgjimeve të dosjes ?Habilaj?, shtetasve sqiptareve të arrestuar me droge nga autoritetet italiane./CNA.al