Connect with Us

Gara për Tiranën/ Si po tallen Luli dhe Mona me Ylli Manjanin

Aktualitet

Gara për Tiranën/ Si po tallen Luli dhe Mona me Ylli Manjanin

Publikuar

-

Ish-ministri i Drejtësisë në qeverinë “Rama 1”, është një nga njerëzit i cili në 2013-ën luftoi fort që socialistët të vinin në pushtet bashkë me LSI-në, dhe më pas në 2017-ën nuk u vu as në listat e kandidatëve nga Ilir Meta.

Por, tashmë Ylli Manjani duket se është një nga kandidaturat për Tiranën, që Lulzim Basha dhe Monika Kryemadhi po e qarkullojnë si emër, më shumë për t’i bërë Veliajt dhuratën e radhës.

CNA.al ka mësuar se Ylli Manjani, sipas edhe qëndrimeve që vetë ai mban me miqtë, është thirrur nga Monika Kryemadhi dhe Lulzim Basha, duke i propozuar të kandidojë në garën për Tiranën, por ai ende nuk ka vendosur.

Në fakt e gjitha kjo duket të jetë një tallje e radhës që bëhet me “Yllin” e LSI-së, një nga luftëtarët e Rilindjes për ardhjen e Edi Ramës në pushtet, të cilin e mbajtën disa muaj ministër dhe më pas e përzunë me shkelma. Gjatë kohës që drejtoi ministrinë e Drejtësisë i plasi skandali i licensave të noterëve, pasi në konkursin që ai zhvilloi shpalli fitues persona me preçedentë penalë, familjarë të kabinetit të tij.

Më pas Ylli Manjani u akuzua edhe për një shtëpi që kishte blerë tek pronat e Balilit, apo tek vëllezërit e tij në Sarandë, për të cilën ai prentendonte se nuk ishte tek prona e Balilit. Ish-ministri pretendon se është e njëjta godinë, por në truallin e një tjetër  firme ndërtimi.

LEXO EDHE:  Berisha shthur gjuhën/ Merr në mbrojtje Lulin për financimet ruse

Më pas ai u largua nga detyra e ministrit të Drejtësisë, duke filluar edhe një luftë të ashpër me kryeministrin Rama. I inatosur së shumti sepse e kishin nxjerrë me shqelma nga qeveria, më pas në zgjedhjet e vitit 2017 tregoi edhe vlerat që kishte për Monën, Ilirin dhe LSI-në, ata e vendosën të shtatin në listën për Tiranën dhe më pas u tha se ishte vetë Manjani që e kishte refuzuar.

Tani ky ish-ministër i Edi Ramës, ky njeri i cili luftoi që Rilindja të vinte në pushtet në 2013-ën, njeriu që Ilir Meta nuk e vuri as në lista në 2017-ën, që u përfshi në skandalin me licensat e noterëve, është kthyer në “Yllin” e Lulit dhe Monikës. Ndoshta në “Yllin” humoristik që i duhet ose si “qokë” ndaj Erjon Veliajt, ose si në rastin e 2017-ës, kur nuk e vunë as në listat fituese të kandidatëve për Tiranën./CNA.al

Do kandidojë për drejtimin e Bashkisë së Tiranës?/ Reagon ish-ministri i Ramës

Dokumentet/ Ministri i Ramës që bleu pronë te Balili

Kush është ish-ministri i Ramës që bleu shtëpi te Balili?

Denoncimet në citynews/ Ylli Manjani nuk jep licencën e noterëve

Gjithollogu i dështuar i politikës

Po për energjinë, ku ishe zoti ish-ministër?

Skandal/ Ministria e Drejtësisë, liçensë noteri të dënuarit për korrupsion

Thellohet skandali/ Provimi i noterëve garë e trukuar, fitojnë miqtë dhe familjarët e pushtetarëve

Ekskluzive-Reagon Ylli Manjani/ Nuk kam apartament në pronat e Balilit

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

‘Skandale, drogë, korrupsion”/ Ish-ministri i Metës, “godet” Bashën

Publikuar

-

Nga

Lulzim Basha is declared wanted/ Where did the leader of the New Republic get lost?

Ish –Ministri i LSI-së Ylli Manjani, në një koment mbi raportin e OSBE-ODIHR-it për zgjedhjet e 25 Prillit, ka shenjëstruar kreun e PD Lulzim Basha.

Ky i fundit në vijimësi, flet dhe akuzon Qeverinë për skandale, korrupsion e të tjera, por nuk ndërmerr asnjë veprim konkret.

Sipas  Manjanit me një raport të tillë, jo vetëm për zgjedhjet por edhe për skandale të tjera si korrupsioni dhe droga, kryeministri Edi Rama nëse do të ishte në Opozitë do të kishte dalë në rrugë.

Di të them se me një raport post zgjedhor si ky i kësaj radhe, me zgjedhje të deformuara keq dhe shumë keq, me raporte të përhershme negative të DASH, me dështimin më të rëndë të mundshëm në rrugën drejt Europës, me një qeveri të super konsumuar e zhytur në skandale, drogë e korrupsion, me njerëz ende në rrugë nga tërmeti, me kaq të vdekur nga COVID-i, Edi Rama në opozitë do ishte sot në rrugë. Do kishte ngritur çadra grevash gjithandej. Do digjte goma e mbushte rrugët me plehra. As që bëhej fjalë të pranonte zgjedhjet!

Le të thoshte ça të donte Ambasada Amerikane dhe Europiane bashkë me të. Ai do ti bënte këto reagime….”, ka shkruar Manjani në rrjetet sociale.

LEXO EDHE:  Video-“Kurrë më votime moniste në Shqipëri”/ Meta mesazh për zgjedhjet e 30 qershorit

Sipas tij në këto kushte, reagim të ashpër do të kishte edhe ish-Kryeministri Sali Berisha.

LEXO EDHE:  Video-“Kurrë më votime moniste në Shqipëri”/ Meta mesazh për zgjedhjet e 30 qershorit

Sali Berisha në kushtet të tilla do bënte diçka të ngjashme, por jo aq sa do bënte Rama opozitar….

E kemi parë këtë reagim opozitar në të shkuarën për shumë më pak gjëra sa këto që Edi Rama Kryeministër po i bën vendit.

Nuk është fantazi, por realitet që e kemi parë..”, shkruan më tej Manjani./CNA.al

 

LEXO TE PLOTE

Bota

Gjermani: A do të aplikohet testi COVID-19, për të gjithë që udhëtojnë jashtë vendit?

Publikuar

-

Nga

Brenda vetëm pak ditësh mund të shtrëngohen masat lidhur me testin ndaj virusit Corona për personat që kthehen në Gjermani nga udhëtimet jashtë vendit. Sipas kryeministrit bavarez Markus Söder, qeveria federale planifikon të prezantojë një kërkesë për testime para kthimit në vend. Testimi duhet të aplikohet jo vetëm për udhëtarët me avion, por edhe për ata që udhëtojnë me makinë, me tren ose me autobus. Sipas Söder, të gjithë që kthehen duhet të kenë një test negativ kur të mbërrijnë në vend.

Söder i tha televizionit të parë gjerman ARD: “Qeveria federale na ka siguruar sot se do të provojë gjithçka që është e mundur, që deri më 1 gusht të aplikohet detyrimi i përgjithshëm i testit negativ jo vetëm për udhëtimet ajrore, por edhe për shembull, për udhëtime me makina ose trena”.  Söder tha se data e planifikuar fillimisht për futjen e këtij rregulli, pra me 11 shtator, duket si “një shaka”, sepse ky vendim do të ishte i vonuar pasi deri atëherë kalojnë të gjitha pushimet.

Politikani i CSU-së tha se për këto vendime do të krijohen edhe bazat juridike ligjore dhe se kjo mund të arrihet deri më 1 gusht. Rregullorja e re është e thjeshtë: “Të gjithë kanë nevojë për një test”. Kërkesa për futjen e testeve është mbështetur nga disa kryeministra të landeve të tjera, por nuk dihet sakt nëse ky vendim do të vie me 1 gusht, sepse ende ka kundërshtarë të këtij vendimi të përshpejtuar.

Afati ende nuk është caktuar

Pra ende nuk është e sigurt nëse urdhëresa e re mund të hyjë në fuqi kaq shpejt. Zëvendës zëdhënësja e qeverisë federale, Ulrike Demmer, vuri në dukje se dakordimi i këtyre rregullave ende nuk ka përfudnuar. Tani për tani thuhet: “Sa më shpejt, aq më mirë”.

LEXO EDHE:  Video-“Kurrë më votime moniste në Shqipëri”/ Meta mesazh për zgjedhjet e 30 qershorit

Aktualisht teste negative kërkohen vetëm për personat që duhet të kthehen në Gjermani me avion. Seehofer tha se personat e vaskinuar apo të shëruar nga Covid-19, nuk kanë nevojë për test. Sipas Seehoferit dhe Söderit, në vendkalimet kufitare nuk do të kontrollohen të gjithë, por kontrollet do të jenë në formë sondazhi. Askush nuk dëshiron kontrolle të plota në kufi, shpjegoi Söder.

LEXO EDHE:  Urrejtja ndaj Ramës dhe braktisja e Bashës

 Vaksinimi

Ndërkohë në Gjermani janë vaksinaur rreth 50% e popullatës që jeton në këtë vend. Por ende nuk është sqaruar deri në fund nëse vërtet edhe personat e vaksinuar dhe të shëruar kanë nevojë për teste negative para kthimit në Gjermani. Kjo do të vendoset së shpejti, ndërsa ministri i Shëndetësisë Jens Spahn tha me triumfalizëm se në Gjermani janë vaksinuar ndërkohë më shumë se gjysma e popullatës.

Kohët e fundit është ngadalësuar procesi i vaksinimit, përkundër faktit që në qarkullim ka sasi të mjaftueshme të vaksinave. Në politikën gjermane po diskuktohet me të madhe për mundësinë e stimulimit të vaksinimit apo duhet të aplikohen detyrime të tjera për ata që nuk janë vaksinuar. Në disa vende të tjera kërkohet vaksinimi me detyrim për disa profesione të caktuara. Qeveria federale gjermane ka refuzuar deri tani shprehimisht vaksinimin e detyrueshëm./DW

LEXO TE PLOTE

Sociale

Ikja e të rinjve/ 78% e aplikimeve për azil janë të moshës nën 34 vjeç

Publikuar

-

Nga

Shqipëria po përjeton një valë të zgjatur emigracioni, që po jep gjithnjë e më shumë pasoja në ekonomi, pasi po largohet në pjesën më të madhe forca e re e punës.

Të dhënat e Eurostat për kërkesat për azil sipas grupmoshave, tregojnë se që nga viti 2011 kur raportohen të dhënat deri në 2020-n, pjesa dërrmuese e aplikimeve në 27 vendet e Bashkimit Europian, mesatarisht rreth 77-78% përbëhet nga grupmosha nën 34 vjeç.

Në vitin 2020 kishte gjithsej rreth 7 mijë aplikime për azil, nga të cilët 30% ishin të grupmoshës nën 18 vjeç, 47% të grupmoshës 18 vjeç (77% nën 34 vjeç). 22% të atyre që kanë tentuar të ikin, duke kërkuar azil ishin të grupmoshës 35-64 vjeç dhe 1% mbi 65 vjeç.

E njëjta strukturë konstatohet përgjatë gjithë dekadës së fundit. (shiko grafikun: Aplikimet për azil në Be-27, sipas grupmoshave, 2011-2020). Në total janë rreth 160 mijë të rinj, që kanë kërkuar azil në dekadën e fundit në një nga 27 vendet e bashkimit Europian.

Të dhënat e tjera kombëtare të INSTAT tregojnë se emigracioni i lartë i të rinjve, i kombinuar me rënien e lindjeve dhe plakjen graduale të popullsisë po ul popullsinë e re aktive në vend. Popullsia në grup moshën 15-29 vjeç shënoi tkurrje me rreth 18 mijë persona në 2020-n. Në këtë interval moshe pakësimi më i madh ishte për të rinjtë 15-19 vjeç me mbi 8 mijë persona.

Teksa forca e punës në grup-moshat e reja po tkurret me shpejtësi, bizneset në të gjithë vendin po ndejnë vështirësitë që po krijon mungesa e punonjësve. Njësitë e shërbimeve, hotele dhe restorante në të gjithë vendin sidomos në zonat turistike, sektori fason dhe call center po ndjejnë mangësitë.

LEXO EDHE:  Tre shërbëtorët e Soros në Shqipëri

Kriza pandemike e cila erdhi edhe si një krizë ekonomike pritet të ketë ndikim negativ në treguesit demografike, sidomos në drejtim të emigracionit.

LEXO EDHE:  Fakte/ Si gënjen publikisht Lulzim Basha

Ilir Gëdeshi, ekspert i njohur i çështjeve të emigracionit, tha se krizat ekonomike në Shqipëri janë pasuar nga valë emigracioni. Krizat e vitit 1990, 1997, 2008 e kanë vërtetuar këtë fakt. Edhe kriza pandemike, sipas zotit Gëdeshi, rrezikon të përshkallëzojë emigracionin në vend.

Në vitet e ardhshme, pritet që fenomeni të përkeqësohet pasi do të tentojnë të ikë pjesa që kishte planifikuar dhe nuk emigroi gjatë pandemisë. Përkeqësimi i kushteve të ekonomisë mund të nxisë të tjerë emigrantë që para pandemisë nuk kishin planifikuar të largoheshin, tha zoti Gëdeshi.

Të dhënat ndërkombëtare tregojnë se kriza e pandemisë ka kthyer tendencat e vjetra të emigracionit. Në planin afatshkurtër, pandemia mbylli kufijtë dhe kufizoi udhëtimet, duke shkaktuar rënie të ndjeshme të emigrimit. Sidoqoftë, goditjet që pandemia ka dhënë në ekonominë e vendeve të varfra dhe atyre në zhvillim lajmërojnë valë të reja emigracioni. Ekspertët ndërkombëtarë lajmërojnë se vala e emigrimit ndodh dy ose tre vjet pas krizave që tronditin jetën e njerëzve.

Për periudhën 20211 deri në 2020, në total në vendet e BE-27 (pa Mbretërinë e Bashkuar) aplikuan rreth 202 mijë shqiptarë. Rekordi u arrit në 2015-n, me 66 mijë persona, duke shënuar më pas një tendencë rënëse, në 20.4 mijë persona në 2019-n. Në vitin 2020, për shkak të pandemisë, aplikimet ranë me 66%, por mbetën sërish më të lartat në rajon dhe ndër më të lartat në botë në raport me popullsinë./Monitor

LEXO TE PLOTE