Skandal/ Rama kërcënon studentët

16 Janar 2019, 12:47, Aktualitet CNA

Këshilltari Ligjor i Partisë Demokratike, Gazmend Bardhi, në emër të PD-së, në një deklaratë për ai mediat ka dënuar aktin e Dekanit të Universitetit të Drejtësisë, Artan Hoxhës.

Bardhi tha se Hoxha ka kërcënuar studentët me metoda kriminale, për t?i shërbyer kryeministrit Edi Rama.

?Artan Hoxha Dekani i Universitetit të Drejtësisë ka kërcënuar studentët e Drejtësisë me metoda kriminale.

Artan Hoxha ka arsye për t?i shërbyer Edi Ramës, jo vetëm për mundësitë që i ka dhënë për tu zhvilluar në karrierë, por edhe për punët e paligjshme që ka zhvilluar.?-tha ai.

Më tej, demokrati theskoi se Artan Hoxha nuk ka justifikuar ende mënyrën se si e ka bërë këtë pasuri që zotëron sot.

?Artan Hoxha ende nuk ka dhënë përgjigje për pasuritë e paligjshme që zotëron.

Ai nuk ka justifikuar se si ka mundësi që për një periudhë të shkurtër kohore arriti të blente një apartament 120 metër katror në Tiranë, një apartament në Kabvajë dhe një sipërfaqe toke prej 700 metër katror në Kavajë.?-vijoi ai.

Gazmedn Bardhi u shpreh se Artan Hoxha dhe të gjithë ata pedagogë që kërcënojnë studentët nuk kanë falje dhe do të përgjigjen për këto akte.

?Artan Hoxha kërcënon studentët e tij për të lënë protestat për cilësinë e arsimit, dhe të bëjnë çfarë u thotë Rama.

Artan Hoxha dhe çdo pedagog i korruptuar që rreshtohet sot pranë Edi Ramës dhe pushtetit duhet të kuptojnë se nuk kanë sot zgjidhje dhe falje për këtë akt.?-deklaroi demokrati Gazmend Bardhi./CNA.al

Deklarata e plotë e Gazmend Bardhit:

Jam sot përpara medias, jo vetëm si përfaqësues i Partisë Demokratike, por edhe si ish- student i Fakultetit të

Drejtësisë në Universitetin e Tiranës, për të dënuar në emër të opozitës, presionin kriminal ndaj studentëve nga një pseudo pedagog që rreshtohet në krah të pushtetit dhe kundër studentëve.

Edi Rama përdori javën e kaluar presionin policor dhe dhunën për të shuar protestën legjitime të studentëve në mbarë vendin.

Pasi dështoi të shantazhonte studentët me policët e Safet Gjicit apo Sandër Lleshajt, sot media ka publikuar faktet sesi ai po përdor Safet Gjicët e tij brenda botës akademike.

Artan Hoxha, Dekani i Fakultetit të Drejtësisë në Universitetin e Tiranës, një shërbëtor i Edi Ramës dhe pushtetit brenda botës akademike, ka guxuar të kërcënojë studentët e Fakutetit të Drejtësisë me metoda kriminale. Faktet e bëra publike në media provojnë sesi shërbëtori i Edi Ramës ushtron presion ndaj studentëve që ata të mbyllin protestën legjitime të tyre për një arsim më cilësor.

Artan Hoxha ka arsye për t?i shërbyer Edi Ramës, jo vetëm për mbështetjen që ky i fundit i ka dhënë në karrierën e tij profesionale, por mbi të gjitha për paligjshmëritë e së shkuarës.

Ish gjyqtari i Gjykatës së Lartë Artan Hoxha, sot Dekan i Fakutetit të Drejtësisë, ende nuk ka dhënë asnjë përgjigje për habinë që shkaktoi përgjigja e tij përpara Parlamentit për dhurimin nga i vëllai të 200 mijë dollarëve, të cilave nuk i dihej burimi.

Artan Hoxha ende nuk ka dhënë përgjigje për pasurinë e tij të paligjshme, sesi brenda pak kohësh, me kursime familjare, arriti të blinte një apartament me sipërfaqe 120 m2 në Tiranë, një apartament tjetër në plazhin e Golemit në Kavajë dhe një sipërfaqe toke 700 metër katrorë në zonën turistike të Qerretit në Kavajë.

E gjithë karriera e tij dhe pasuria e paligjshme që ka krijuar, janë arsye e vërtetë se përse Artan Hoxha, kërcënon studentët e tij, që kërkojnë jo vetëm një arsim cilësor dhe uljen e tarifave të studimit nga Qeveria, por edhe largimin nga bota akademike të pedagogëve të korruptuar dhe vetting ndaj stafit akademik në universitete.