web counter
LEXO PA REKLAMA!

SHKARKO APP

App Store
Google Play

Projekti i Unazës së re/ Afrim Qëndro në prokurori

16 Janar 2019, 10:56, Aktualitet CNA

Kreu i Autoritetit Rrugor Shqiptar, Afrim Qëndro është thirrur në Prokurorinë e Tiranës, për t?u marrë në pyetje në lidhje me projektin e Unazës së re.

Afrim Qendro është thirrur në Prokurori, pas zbulimit të skandalit që fshihej pas kompanisë që do ndërtonte lotin e parë të Unzës së Re, ?DH Albania?, e cila kishte falsifikuar dokumentet.

Afrim Qendro  do të pyetet  për tenderin e ?Unazës së Re? në cilësinë e personit që ka dijeni.

Kujtojmë se pas zbulimit të skandalit , ARRSH pezulloi ndërtimin në lotin e parë tek Unaza e Re.

Ky falsifikim e ka ndihmuar kompaninë Dunwell Haberman, të fitojë lotin prej 18 milionë euro të tenderit për rindërtimin e Unazës së Madhe, duke krijuar imazhin e rremë se kjo është një kompani 20 vjecare dhe me eksperiencë në projektet e infrastrukturës.

Momentalisht për këtë çështje vijon të jetë në kërkim policor administratori i kompanisë ?DH-Albania? Avdjol Dobi, për të cilin pritet që prokuroria në ditët në vijim të lëshojë një mandate arresti. Dyshimet mbi Dobin bien se ka falsifikuar dhe ka përdorur më pas një vërtetim të lëshuar nga departamenti i shtetit të Delaware, ku tregohej se kompania ?Dunwell Haberman?, e cila pretendohet se është mëma e firmës shqiptare ?DH-Albania?, nuk kishte detyrime financiare në SHBA.





Lajmet e fundit nga