Kush e ka radhën, pas Balilit?/ Rëndohet gjendja e Metës

16 Janar 2019, 11:39, Aktualitet CNA

Vënia para drejtësisë e Klement Balilit, ka tronditur skenën politike.

?Eskobari i Ballkanit?, ishte në kërkim prej më shumë se dy vitesh dhe policia në disa aksione radhazi kishte dështuar që ta prangoste.

I ashtuqujaturi ?peshku i madh? akuzohet për trafik të lëndëve narkotike, grup të strukturuar, pastrim parash, dhe mosdeklarim të pasurisë, pasi Balili ka qenë drejtor i Transporteve dhe kishte detyrim të deklaronte pasurinë.

Arrestimi i tij u vu si kusht nga BE, për çeljen e negociatave, por vetëm ditën e djeshme ai vendosi të vetdorëzohej, pas negociatave të familjarëve të tij me Drejtorin e Përgjithshëm të Policisë, Ardi Veliu.

Pas veprimit të Balilit, të menjëhershme ishin reagimet nga Zyra e BE ?së, nga Ambasada Amerikane dhe jo vetëm.

Kjo e fundit, ndërsa përgëzonte agjencitë ligjzbatuese dhe kërkonte hetim dhe gjykim të shpejtë për Balilin, shtronte pyetjen, ?Kush e ka radhën??

?Ne përgëzojmë Policinë e Shtetit dhe agjensitë ligjzbatuese partnere për arrestimin e trafikantit ndërkombëtar të drogës, Klement Balili. Ky shënon një hap të madh për popullin shqiptar në rrugën drejt sundimit të zbatimit të ligjit, dhe shërben si një përparim i prekshëm drejt hapjes së bisedimeve me BE. Ne mirëpresim një hetim dhe gjyq të shpejtë dhe të plotë. Shtetet e Bashkuara qëndrojnë të gatshme për të ndihmuar Shqipërinë në përpjekjet e saj në luftën kundër krimit të organizuar. Kush e ka radhën?, thuhet në reagimin e Ambasadës Amerikane.

Kush e ka radhën?

Në fakt pyetja kush e ka radhën, është shtruar dje gjërësisht, pas vetdorëzimit të Balilit.

Për shkak se Balili është eksponent i lartë i LSI ?së dhe mjaft fije të dyshimta e lidhin atë me Presidentin Ilir Meta dhe jo vetëm.

Ishte Meta, që e zgjodhi në krye të Drejtorisë së Patentave në Sarandë dhe që i dorëzoi LSI ?në atje. Ishte Meta, që i inauguroi resortin turistik dhe doli në mbështeje të bizneseve të tij.

Por, duket se lidhjet nuk janë kaq sipërfaqësore, shkojnë dhe më tej, se ndryshe nuk do të shpjegohej gjendja e Metës.

Dje Meta, u shfaq në Lezhë i zverdhur dhe i prerë në fytyrë. Në të njëjtën gjendje, për të mos thënë më keq, u shfaq edhe sot, gjatë një aktiviteti të organizuar për Ditën Botërore të Paqes 2019.

Sytë e zmadhuar dhe të enjtur, e tradhëtonin në qetësinë mashtruese, me të cilën mundohej të shoqëronte fjalimin.

Me Balilin në qeli, duket se qetësia dhe dashuria kanë humbur për Metën.

Sot, duket se nuk ka dikë që të mbrojë, siç kishte dikur ish-kryeprokurorin Adriatik Llalla. Sot, laku i është ngushtuar më shumë se kurrë, atij dhe shokëve të tij, që reklaksoheshin në ?Santa Quaranta?.

Llalla i cili dikur u ankua se ish-ambasadori amerikan në vendin tonë, Donald Lu, i kishte kërkuar të hetonte Metën, është për vete nën hetim dhe në këto rrethana e ka të pamundur ta mbrojë Metën./CNA.al

Eskobari i Ballkanit vetëdorëzohet në polici/ Zbulohet kush e shoqëronte

Klement Balili ?rrëzon? Ilir Metën/ Tunden prangat për Presidentin?

?Baroni i drogës? në pranga/ Meta shfaqet i zverdhur në Lezhë