LEXO PA REKLAMA!

SHKARKO APP

Skandal/ Ministria e Drejtësisë, liçensë noteri të dënuarit për korrupsion

1 Prill 2016, 11:48, Aktualitet CNA

Citynews ka mundur të zbardhë listën e personave të cilët kanë konkuruar në provimin e noterisë pranë Ministrisë së Drejtësisë.

Sipas listës së bërë publike nga ky institucion kanë marrë pjesë në këtë provim rreth 82 kandidatë dhe janë shpallur 32 persona, të cilët rezultojnë se kanë grumbulluar nga 95 deri në 80 pikë.

Lista e shpallur me rezultatet e provimit të noterisë, rezulton të ketë me 86 pikë, në vendin e 23-të Muli (Flamur) Mallkuçi.

Ky person rezulton të jetë i arrestuar nga policia në datën 14 shtator 2007, për veprën penale ?Korrupsionit pasiv të personit që ushtron funksione publike?, kryer në bashkëpunim parashikuar nga neni 259 i kodit penal

Dënimi përfundimtar është me vendimin e datës 9 janar 2013 të Kolegjit Penal të Gjykatës së Lartë të Shqipërisë i përbërë nga Gani Dizdari Kryesues, Besnik Imeraj Anëtar Fatos Lulo Anëtar, Artan Zeneli Anëtar, Shkëlzen Selimi Anëtar

Vendimi i Gjykatës të Lartë ka lënë në fuqi vendimin nr 147 të datës 3.3 2009 të Gjykatës të Apelit Tiranë.

Muli (Flamur) Mallkuci me vendimin e Apelit, i cili është lënë në fuqi nga Gjykata e Lartë është dënuar me 2 vjet e 6 muaj burgim dhe 1 milionë e 500 mijë lekë gjobë.

Vendimi i Gjykatës:

?Deklarimin fajtor të të pandehurit Muli Mallkuçi për veprën penale të ?Korrupsionit pasiv të personit që ushtron funksione publike? kryer në bashkëpunim parashikuar nga neni 259 e 25 i Kodit Penal dhe dënimin e tij me 2 (dy) vjet me 6 (gjashtë) muaj burgim dhe 1.500.000 (një milion e pesëqind mijë) lekë gjobë.

Në aplikim të nenit 406 të Kodit të Procedurës Penale, të pandehurit Muli Mallkuçi i ulet 1/3 e dënimit, duke u dënuar përfundimisht me 1 (një) vit e 8 (tetë) muaj burgim dhe 1.000.000 (një milion) lekë gjobë.

Vuajtja e dënimit për të pandehurin Muli Mallkuçi fillon nga dita e arrestimit të tij datë 14.09.2007.

Shlyerja e gjobës nga i pandehuri Muli Mallkuçi të kryhet brenda një viti duke filluar nga dita e marrjes së vendimit formë të prerë

Në zbatim të nenit 35 të Kodit Penal urdhërohet për të pandehurin Muli Mallkuçi ?Heqja e së drejtës për të ushtruar funksione publike? për një kohë prej 5 (pesë) vjetësh.?

Ministria e Drejtësisë i ka dhënë licensë noteri në një konkurs të përfolur në qarqet mediatike dhe politike, ku pazari i një license përflitet se e ka vlerën mbi 100 mijë euro.

Është ky institucion që ndoshta përflitet edhe ?padrejtësisht?, por jep licensë një personi të dënuar për korrupsion me vendim të Gjykatës së Lartë.

Vetëm pak javë më parë, parlamenti ka miratuar ligjin për dekriminalizimin, i cili ndalon personat e dënuar të ushtrojnë funksione publike deri në 20 vite.

Një specialist i thjeshtë i administratës, në rast se dënohet qoftë me një ditë të vetme burg, me ligjin për dekriminalizimin ai ndalohet 20 vjet të ushtrojë detyrën. Ky është një nënpunës i thjeshtë civil, ndërkohë një ish-drejtor i arrestuar për korruspsion, i cili ka përfituar 1/3 ulje dënimi dhe nga 2.6 vite burg është dënuar me 1 vit e 8 muaj shkon në konkursin e Ministrisë së Drejtësisë dhe bëhet noter.

Skandali i Ministrisë së Drejtësisë me licensat e noterëve nuk duket të jetë thjeshtë fjalë dhe thashetheme.

Licensimi i Muli Mallkucit nga Ministria e Drejtësisë është një akuzë e fortë për korruspion dhe lincensim i personave me precedentë të rëndë penalë, sic është korrupsioni./citynews

Lista e fiutesve

 

 

 

Lajmet e fundit nga