E fundit!

14:31 Qyteti im

Në "zemër" të Devollit me kryebashkiakun Duro/ Historia, natyra dhe turizmi i së ardhmes

CNA TV udhëton drejt Devollit, një prej zonave më të veçan...

Shënim/ Lëreni protestën studentore në rrjedhën e vet natyrale

7 Janar 2019, 19:01, Aktualitet CNA

Megjithse është vetëetiketuar ?qeveri e rilindjes?, që do të thotë se me mënyrën inovatore do të sjellë një qeverisje ndryshe nga paraardhësit, një mënyrë të re qeverisjeje që, ndryshe nga më parë do të prodhojë më shumë të drejta e liri njerëzore, realiteti tregon se edhe ?rilindësja? Rama po lundron në të njejtët ujra si paraardhëset e veta.Veçanërisht kur bëhet fjalë për ruajtjen me çdo kusht të domenit të pushtetit.

Në këtë pikë edhe ?rilindasi? Edi Rama nuk lë gurë e kusur pa përdorur vetëm e vetëm që të mos bjerë nga kali i pushtetit të cilin e fitoi me shumicë votash në vitin 2013 dhe vazhdoi ta mbajë falë përdorimit të lloj-lloj mjeteve, me objektiv asgjesimin e kundërshtarëve e kritikëve.

Pa përmendur betejën e tij me shtypin e median kritike të ?kazanit?, ajo me studentët protestues është më e fundit që kryeministri Rama po përpiqet ta fikë jo me metoda luajale, si në një shtet demokratik, por duke aplikuar sentencën e sistemeve diktatoriale ?përça që të sundosh?. Madje duke mos kursyer as përdorimin e strukturës së Policisë së Shtetit, që ligjërisht është e depolitizuar.

Nga të dhënat që disa prej organizatorëve të protestësm kanë ofruar, rezulton se fati i sotëm i rrudhjes së protestës studentore në parametrin e të papriturës ka patur si arsye pikërisht diversionin politik, shantazhin dhe përdorimin e Policisë për të treguar muskujt e pushtetit.

I shqetësuar nga përmasa e paralajmëruar e lëvizjes studentore prej javësh Kryeministria ka luajtur rolin e përçarjes së protestuesve duke hedhur në veprim FRESSH, por edhe militantët agjitacionistë socialistë. Të parët për ti bindur moshatarët e tyre të distancohen nga lëvizja e organizuar në prapaskenë prej Lulzim Bashës e Monika Kryemadhit, me qëllim rrezimin e Edi Ramës dhe marrjen e pushtetit prej tyre.

Paralelisht me FRESSH-istët, agjitacionistëve u është ngarkuar detyra të trokasin ?portë më portë? e të ulen ?gju më gju?, për tu shpjeguar prindërve të studentëve atë çfarë fsheh protesta. Pra rrëzimin e Edi Ramës nga froni, ku është ulur pesë vitë më parë, e që i kapur fort pas kangjellave të zyrës nuk dëgjon ta lëshoj.

Së bashku me rrudhjen, protesta e sotme studentore ka nxjerrë në pah edhe praninë e forcave policore në ambientet e dy prej institucioneve arsimore, fakultetit të Arkitekturës, që është zemra e protestës, dhe Universitetit Politeknik.

Akuzave të bëra nga opozita për shkelje të ligjit mbi Policinë e Shtetit dhe cënim të të drejtës për të protestuar, as Policia e as qeveria nuk i ka kthyer përgjigje, duke e pranuar në heshtje faktin e trishtë të përdorimit të uniformave blu. Një sjellje kjo e ngjashme me atë të paraardhësve të kryeministrit Rama, që rrëzon çdo pretendim të tij për rilindje dhe qeverisje ndryshe, Nëse vërtetë doni të jeni ndryshe nga homologët tuaj të të shkuarës lërini studetët protëstues në rrjedhën e tyre natyrale, z.Rama./CNA.al