web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet kandidatja e PD për Bashkinë e Shkodrës/ Është një femër, por jo Voltana

7 Janar 2019, 14:23, Aktualitet CNA

Zgjedhjet lokale po afrojnë dhe po përflitet për emrat që do kandidojnë në bashkitë kryesore të vendit. Gjatë proçesit të riorganizimit të PD-së janë propozuar dhe shumë kandidatura që mund të garojnë për kryetar Bashkie.

Në Shkodër, burime për CNA.al bëjnë të ditur se pas rrëzimit të Ramiz Çobajt si kryetar dege, linja duket se ka ndryshuar fort dhe ka një situatë tjetër. Përtej klanit të Voltanës, Ramizit apo grupimeve të tjera në Shkodër, ka dalë edhe një emër tjetër që mund të jetë kandidatja e Lulzim Bashës, e mbështetur fort edhe nga familja e këtij të fundit, për të garuar për drejtimin e Bashkisë së Shkodrës.

Ajo është Izmira Ulqinaku, aktualisht deputete e Parlamentit, e futur në listën Basha të kandidimit për deputete në zgjedhjet e vitit 2017.

Izmira Ulqinaku është kandidaturë kryesore përballë Voltana Ademit, e cila duket se kontestohet shumë jo vetëm nga Ramiz Çobaj, por edhe shumë rryma të PD-së së Shkodrës, të cilat bënë dhe përmbysjen e kryetarit të degës, por që në fakt nuk janë as në mbështetje të Voltana Ademit.

Tashmë pritet që të ketë një rivalitet të fortë, por mesa duket me mbështetjen që gëzon nga familja e Bashës, Izmira Ulqinaku mund të zëvëndësojë Voltana Ademin, në garën për kryetaren e Bashkisë së Shkodrës, një nga bastionet e PD-së dhe ku gara duket thuajse e fituar në tavolinë./ CNA.al

Shkodra ?shuplakë? Bashës/ Ramizi i Lulit mundet për 2 vota





Lajmet e fundit nga