E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Tabaku zbulon të tjera detaje/ Fundosen Rama dhe Veliaj?

24 Dhjetor 2018, 13:12, Aktualitet CNA

Nënkryetarja e Komisionit të Ekonomisë njëkohësisht deputete e Partisë Demokratike, Jorida Tabaku ka dalë sot në deklaratë për mediat ku së bashku me zëdhënësen e PD-së kanë paraqitur aferën me pronën e biznesmenit Edmond Bego dhe ndryshimin e planit urbanistik të Tiranës.

Gjatë fjalës së saj Tabaku theksoi se ky ndryshim i planit urbanistik është bërë në bashkëpunim të kryeministrit Edi Rama me kryebashkiakun Erion Veliaj si edhe ministrin e Financave Arben Ahmetajn.

“I pari Erion Veliaj mashtroi kur tha së projekti i trafikantit Edmond Bego nuk ekziston. Projekti e ka kaluar fazën e parë të tij. Veliaj është përgjegjës për ndryshimin e planit urbanistik të Tiranës. Ai së bashku me Ramën ndryshuan në vitin 2017 planin urbanistik, duke zhvendosur lumin Lanë dhe duke mos prekur asnjë centimetër të pronës së Edmond Begos.”-deklaroi Tabaku.

Gjithashtu ajo tha se për këtë duhet të përgjigjet edhe ministri i Financave, i cili sipas saj mashtroi qytetarët kur tha që ministria e tij ka pasur asnjë lidhje me Begon.

“Me firmën e Erion Veliajt dhe të Edi Ramës, Plani ndryshoi dhe Lumi Lanë u zhvendos duke mos prekur asnjë centimëter nga toka ku do të ndërtojë trafikanti i drogës, miku i Taulant Ballës.

Gjatë gjithë këtyre ditëve, Erion Veliaj që flet për gjithçka, nuk u ka shpjeguar shqiptarëve pse e ndryshoi projektin e Lanës për llogari të projektit 60 milionë euro të Edmond Begos. Kush fshihet pas trafikantit ndërkombëtar të drogës, i cili ka deklaruar publikisht se nuk disponon 60 milionë euro.

Këto pyetjeve duhet t?u japë përgjigje edhe Ministri I Financave Arben Ahmetaj. Ai është personi i dytë kyç në këtë aferë.

Arben Ahmetaj, mashtroi qytetarët, kur tha se ministria e drejtuar prej tij nuk ka patur asnjë lidhje me Edmond Begon gjatë procesit të privatizimit të zonës, ku i dënuari me 21 vjet burg për trafik droge do të ndërtojë projektin rezidencial 60 milionë euro.

Ndryshe nga sa mashtron Arben Ahmetaj, dokumentat zyrtare provojnë se shitja është kryer për llogari të mikut trafikant droge të Taulant Ballës.”-u shpreh deputetja Jorida Tabaku./CNA.al