web counter
LEXO PA REKLAMA!

SHKARKO APP

App Store
Google Play

Takim me drejtuesit e universiteteve/ Rama: Fajin e keni ju

13 Dhjetor 2018, 16:31, Aktualitet CNA

Kryeministri Edi Rama është duke zhvilluar takim me rektorët e dekanët e universiteteve për çështje e kërkesave të studentëve.

Gjatë komunikimit të tij kryeministri Rama, theksoi se universitetet kanë autonomi dhe fajtorë të kësaj situate janë drejtuesit e tyre.

? Nëse ka ardhur dita që ju të fshiheni dhe të mos dilni përballë studentëve për këtë çështje, nëse ka ardhur dita që ju të mos mbani përgjegjësi për veprimet tuaja atëherë autonomia e universiteteve është e parakohshme, atëherë ta heqim këtë autonomi.?-tha ai.

Më tej Rama theksoi se nëse është e nevojshme shumica e bordit administrativ duhet të shkarkohet.

?Dihet që shumicën në bordin administrativ e vendos qeveria Në asnjë rast shumica në bordin administrativ nuk është penguar nga qeveria që të marrë vendime në interesa të personave të veçantë. Nuk po them se bordi administrativ është i përkryer dhe nëse duhet të shkarkohet i gjithi le të bëhet dhe të vendosen persona publik që e kryejnë mirë atë detyrë.?-deklaroi kryeministri.

Kreu i qeverisë tha se Rektori i Universitetit të Tiranës, Mynyr Koni, është një frikacak që fshihet dhe nuk mban përgjegjësi.

?Kur mendoj se Rektori i Universitetit të Tiranës është një person i arratisur që tani fshihet, kur sheh gjendjen në të cilën e ka çuar universitetin vetëm për tendera më ikën nga mendja. Kur them me tendera kuptoj që rektori nuk ka kuptuar administrimin e universiteteve.?- u shpreh Rama.

Kryeministri deklaroi se nuk mund të tolerojë që dekanët të vjedhin studentët e të blejnë makina luksoze.

?Kam parë që lektë e studentëve shkojnë në orendi të shtrenjtë apo që dekani kërkon veturë 60 mijë euro, ky është kulmi?- tha kreu i ministrave./CNA.al





Lajmet e fundit nga