web counter
LEXO PA REKLAMA!

SHKARKO APP

App Store
Google Play

“Po gjuajte shtëpinë me gur, del jashtë”/ Rama mesazh të koduar Xhafajt

27 Tetor 2018, 13:16, Aktualitet CNA

Kryeministri Edi Rama është shfaqur sot në një dalje publike në Lushnjë, por e ka shmangur çështjen e largimit të Fatmir Xhafajt nga detyra e ministrit të Brendshëm.

Fillimisht Rama u shfaq në qytetin e Lushnjes në një takim me gra e vajza për të folur për ligjin e heqjes së lojërave të fatit, ku theksoi idenë e kthimit të parasë brenda familjeve për konsum të shëndetshëm, duke larguar burrat e djemtë nga pikat e basteve. Ndërsa pas kësaj Edi Rama dorëzoi edhe kartën e anëtarësisë disa të rejave dhe të rinjve të këtij qyteti.

Rama i njohu anëtarët e rinj që në ditën e parë me kufizimet që do të kenë tashmë si pjesëtarë të familjes socialiste. ?Marrja e kësaj karte nuk është vetëm kënaqësi, ka edhe kufizim lirie. Se unë për shembull hoqa dorë nga dalja nudo në plazh që kur u bëra anëtar partie?, u shpreh ai.

Por, edhe pse drejtpërdrejt nuk ka komentuar dhe as ka reaguar në lidhje me dorëheqjen e Xhafajt, Rama mesa duket i ka drejtuar atij një mesazh të koduar. ?Tani nuk je më e lirë se brenda në parti nuk i bën dot të gjitha. Se ka ca që thonë jam i lirë, jam i lirë. Je i lirë, po nuk i gjuan dot me gurë shtëpisë ku rrimë të gjjthë. Po gjuajte, ik dil nga shtëpia!?.

Mesa duket është ky mesazhi që Rama i ka përcjellë Fatmir Xhafajt, pas largimit të tij nga posti i ministrit të Brendshëm./CNA.al

Ekskluzive/ Çfarë ndodhi mes Ramës e Xhafajt





Lajmet e fundit nga