web counter
LEXO PA REKLAMA!

SHKARKO APP

App Store
Google Play

E fundit!

x

Dako pjesë e të njëjtës dosje me Ndokën dhe Çukon/ Kush po e mbron “xhuxhin”

27 Tetor 2018, 11:50, Aktualitet CNA

Deputeti i Partisë Demokratike, Gent Strazimiri në një deklaratë për mediat ka reaguar sërish sot në lidhje me përgjimet që implikojnë kryebashkiakun e Durrësit, Vangjush Dako në shit-blerje votash.

Sipas Strazimirit, përgjimet treguan se Dako ka zhvilluar takime për të vazhduar pazaret edhe pas zgjedhjeve të vitit 2017.

?Përgjimet treguan se Dako ka zhvilluar takime për të vazhduar pazaret edhe pas zgjedhjeve të vitit 2017. Dako ka pranuar se ka komunikuar me vetëdije të plotë se ka komunikuar me familjet e fuqishme mafioze. E pranoi edhe se si rezultat i komunikimit me to ka pranur që ka arritur rezultate në zgjedhje?.-tha Strazimiri.

Ndërsa më tej, Strazimiri tha se duhet të japin llogari edhe ata që e mbrojten Dakon.

?Dako duhej të ishte arrestuar Live. Kush po e mbron Vangjush Dakon?

Kush e ndaloi arrestimin e ?xhuxhit?.

Dako është pjesë e të njëtës dosje me Ndokën dhe Çukon dhe askush nuk do të mund ta shpëtojë?-deklaroi ndër të tjera deputeti Strazimiri.

Deklarata e plotë:

Vangjush Dako ka qindra faqe përgjime me bandat në Durrës.

Ka qindra telefonata me bandat, me të cilat bën pazar për blerjen e votave, në këmbim të favoreve, lejeve, punësimeve, tenderave, pasurive publike të Durrësit.

Në fund i falënderon për ?kontributin? në rezultatin elektoral të Partisë.

Përgjimet e bëra publike deri tani janë vetëm fillimi.

Ato nuk janë as 1 përqind e aktivitetit kriminal të Vangjush Dakos, por përgjimet faktojnë se një ditë para zgjedhjeve, më 24 qershor, bandat e shtabit elektoral të Ramë kanë blerë vota për tepsinë e Edi Ramës.

Përgjimet provojnë se dy ditë pas zgjedhjeve, më 27 qershor, Vangjush Dako ka komunikuar përsëri me bandën e Avdylajve që i bleu votat, duke kërkuar takim me shefin e bandës për ta falënderuar dhe për të vazhduar pazaret në tepsinë e Edi Ramës.

Vangjush Dako pranon publikisht se në cilësinë e ?supermenit? që njeh çdo qytetar të Durrësit, me adresë dhe numër familjarësh, madje më mirë dhe më shpejt se sistemi elektronik i gjendjes civile, ka komunikuar me përfaqësuesit e ?familjeve të mëdha e të fuqishme?, me vetëdije të plotë që fuqia në Durrës është në duart e familjeve mafioze.

Vangjush Dako pranoi edhe publikisht se për shkak të kontakteve me ta, ka arritur ?rezultat historik si drejtues politik i Partisë Socialiste? në Durrës.

Në një shtet normal, Vangjush Dako duhej të ishte arrestuar ?live?, në studio por jo!

Pavarësisht këtyre fakteve, Prokuroria nuk e ka marrë asnjëherë në pyetje Vangjush Dakon.

Kamikazet e Edi Ramës ne Prokurori nuk thonë:

-Kush po e mbron Vangjush Dakon nga Forca e Ligjit.

-Kush e bllokoi të enjten arrestimin e Kryetarit të Bashkisë së Durrësit?

Vangjush Dako sot duhet të ishte në burg, njësoj si Arben Ndoka dhe Arben Çuko! Ata janë pjesë e të njëjtës dosje me numër 339!

As kombinacionet brenda qeverisë, as vasaliteti i prokurorisë ndaj Edi Ramës nuk do ta shpëtojnë nga burgu?xhuxhin? e bandave në Bashkinë e Durrësit./CNA.al





Lajmet e fundit nga