web counter
LEXO PA REKLAMA!

SHKARKO APP

App Store
Google Play

E fundit!

x

Fuoristrada bëhet shoshë nga plumbat/ Gjenden dhe njolla gjaku

17 Tetor 2018, 09:45, Aktualitet CNA

Një fuoristradë e braktisur, ndaj të cilës ishte gjuajtur me breshëri plumbash, është gjetur tri ditë më parë në fshatin Shtoj i Vjetër në Shkodër, ndërsa lajmi është bërë i ditur vetëm sot.

BË raporton se makina u gjet në afërsi të shinave të trenit, brenda të cilës u konstatuan dhe njolla gjaku. Ajo që dyshohet momentalisht është se një person që ka qenë brenda makinës është plagosur.

Deri më tani ende nuk ka asnjë lloj informacioni se ku ndodhet ai shtetas dhe se kush është plagosur. Megjithatë sipas burimeve nga vendngjarja por edhe burime policore ka një dyshim se kemi të bëjmë me një person problematik që dyshohet se ka qenë brenda fouristradës.

Forcat e policisë kanë shoqëruar persona në zonën ku ka ndodhur ngjarja, ndërsa po ashtu janë marrë në pyetje shumë të tjerë. Një prej të dyshuarve kryesor, por jo i vetmi sipas burimeve nga vendngjarja dhe policisë është edhe shtetasi Artan Koçeku.

Ky i fundit është person i shpallur në kërkim që në dhjetorin e 2017-ës si autor i dyshuar për vrasjen e shtetasit Angjelin Shkambi, ngjarje e ndodhur tek varrezat e Stom Golemit. Kjo vrasje dyshohet nga policia se erdhi pas një borxhi mes viktimës dhe autorit për pazare droge. Fouristrada e cila është qëlluar me breshëri plumbash natën e 14 tetorit të këtij viti rezulton se ka targa të vjedhura dhe të mbivendosura.





Lajmet e fundit nga