web counter
LEXO PA REKLAMA!

SHKARKO APP

App Store
Google Play

Balla sfidon hapur Bashën/ Do të dal fitues nga kjo përballje

4 Tetor 2018, 16:32, Aktualitet CNA

Kreu i Grupi Parlamentar të Partisë Socialiste, Taulant Balla, qëndroi për rreth një orë e 20 minuta në Prokurorinë e Tiranës, ku depozitoi kallëzimin për ?shpifje?dhe?shpërdorim detyre? ndaj kreut të opozitës, Lulzim Basha, deputetëve Edi Paloka, Enkelejd Alibeaj, oficerit të policisë Emiljano Nuhu dhe gazetarit Basir Çollaku.

Në një prononcim për mediat pas daljes nga Prokuroria, Balla garantoi opinionin publik, se do të dalë fitues nga kjo përballje.

Ndër të tjera deputeti socialist tha, se budallai Lulzim Basha, duhet të paraqitet në organin e akuzës dhe të tregojë provat që ka për tu mbrojtur.

Sipas Ballës, rasti i Xhisiela Malokut, është fabrikimi i rradhës, për të cilin Basha, Nuhu, Çollaku dhe persona të tjerë, do të mbajnë përgjegjësi.

“Unë e garantoj opinionin publik se është një betejë që do ta fitoj. Jo në interesin tim por ne interesin e shqiptarëve që nuk duan këtë lloj politike, hedh një gur në lumë 100 të mençur se nxjerrin dot. Tani budallai Basha duhet të vijë këtu dhe të tregojë provat për tu mbrojtur. Unë kam ardhur këtu për të depozituar një dosje konsistente provash, që justifikojnë kallëzimin tim. Nëse kallëzimi është i rremë unë mbaj përgjegjësi. Tashmë kemi një pasqyrë të qartë të një grupi të strukturuar midis Bashës, Nuhut, Çollakut dhe persona të tjerë, të cilët kanë fabrikuar një inskenim për të cilin do të mbajnë përgjegjësi”, tha ndër të tjera Balla. /CNA.al

 





Lajmet e fundit nga