web counter
LEXO PA REKLAMA!

SHKARKO APP

App Store
Google Play

E fundit!

x

Telekom Albania drejt shitjes

30 Shtator 2018, 11:01, Aktualitet CNA

Ish-kompania numër një në Shqipëri dhe e para mobile, pra për telefoninë lëvizëse, ish AMC tashmë Telekom Albania, duket se ka dalë në shitje.

Burime zyrtare pranë kompanisë i thanë CNA.al se rreth dhjetë ditë më parë, të premten e kaluar janë dorëzuar ofertat pranë kësaj kompanie nga tri blerës të mundshëm.

CNA.al ka mësuar se një nga blerësit e ofruar është kompania “Telekom Serbia”, Albtelecom, pra Çalik Group dhe dy kompani të tjera “Vivakom” në pronësi të Spas Rusev dhe Globul Telekom, si dhe një fond grek investimesh. Këta janë tashmë katër ofertuesit për të blerë Telekom Albania-n, ish AMC-në, kompaninë e parë të telefonisë mobile në Shqipëri.

Mësohet se ofertat do të vlerësohen nga kompania pronare Deutsche Telecom, e cila është edhe zotëruesja e paketës kryesore të aksioneve dhe më pas pritet të shpallet se kush është fituesi i kësaj gare.

Na fakt shitja e një kompanie dhe kalimi nga një emër i madh  si Deutsche Telecom, tek emrat e tjerë nuk duket se është një lajm i mirë për Shqipërinë, por gjithsesi është vetë tregu ai që vendos për shkak se vitet e fundit të gjitha kompanitë telefonike duket të kenë pasur probleme. Kjo edhe për shkak të politikave, marketingut agresiv, çmimeve shumë të ulëta, ofertave dhe kostove të mëdha që vazhdojnë gjithmon në ngritje për teknologjinë dhe sidomos për zhvillimin dhe ecjen e tyre më tej.

Tashmë për pak ditë do të mësojmë edhe emrin e ri se kush do të marrë në pronësi Telekom Albania, pasi të vlerësohen ofertat./ CNA.al





Lajmet e fundit nga