web counter
LEXO PA REKLAMA!

SHKARKO APP

Shpejtësia e të shkruarit në tastierë, mund të zbulojë nëse do vuani nga Parkinsoni

3 Shtator 2018, 08:47, Lifestyle CNA

Kërkime nga Universiteti i Charles Sturt në Queenland të Australisë kanë nxjerr të dhëna sipas të cilave  shpejtësia me të cilën shkruani në tastierën e kompjuterit mund të jetë një e dhënë e rëndësishme për të kuptuar nëse keni premisa për të zhvilluar sëmundjen degjenerative të Parkinsonit. Më specifikisht shpejtësia me të cilën shtypni karaktere të ndryshme të tastierës tuaj, mund të indikojë nëse keni dridhje të dorës, një nga shenjat e para të sëmundjes.

Studimi i Universitetit përfshiu 76 njerëz, 27 prej të cilëve ishin të diagnostikuar tashmë që ishin në fazën e parë të Parkinson. Prej një periudhe 9 mujore një program i vecantë u instalua në kompjuterin e këtyre njerëzve i cili shënonte kohën e cila i duhej atyre për të shkruajtur në tastierë. Personat të cilët vuanin nga ?Parkisnoni i butë?, pra që ishin në fazën fillestare të tij, 78% e tyre, kishin të njejtën frekuencë të dridhjes së duarve (4hz deri në 6 hz) sic kanë personat që janë të faza të avancuara të sëmundjes.

Sigurisht studimi përfshinte një numër të vogël njerëzish, por shifra prej 78% është goxha e lartë dhe pritet që studime të tjera të bëhen për të përforcuar këtë përfundim dhe të fillohet puna për një paisje të posacme e cila i bashkangjitet tastierës apo mjeteve me të cilat njerëzit shtypin. Në këtë mënyrë sëmundja mund të diagnostikohet herët dhe progresioni i saj drejt fazës degjenerative mund të ngadalsohet. Kujtojmë që kjo ?sëmundje e trurit? ka një origjinë të panjohur megjithëse dihet se cfarë shkakton në qelizat nervore dhe nuk ka kurim, gjithcka mund të bëhët është të mbahet në kontroll për sa kohë të jetë e mundur dhe zbulime të tilla mund të ndihmojnë shumë në përmirsimin e cilësisë së jetës së vuajtësve.





Lajmet e fundit nga