web counter
LEXO PA REKLAMA!

SHKARKO APP

App Store
Google Play

E fundit!

x

SHBA-BE rrisin presionet për organet e reja të drejtësisë/ Dimri sjell “tërmet” në politikë

28 Gusht 2018, 06:49, Aktualitet CNA

Shtetet e Bashkuara të Amerikës dhe Bashkimi Europian kanë rritur përpjekjet për të ngritur organet e rejat të drejtësisë.

Teksa KLGJ e KLP po hasin në vështirësi në gjetjen e anëtarëve, mësohet se ndërkombëtarët kanë rritur presionin ndaj politikës dhe organeve të vetingut.  Operacioni Ndërkombëtar i Monitorimit ka kërkuar nga KPK që të mos ketë më asnjë vonesë dhe të ecet me rime të njëjta si në muajin korrik.

I njëjti mesazh ka shkuar dhe për Kolegjin e Apelimit, i cli do të ketë një axhendë mjaft të ngjeshur gjatë vjeshtës. Shumë çështje kanë shkuar aty dhe deri më tani ky Kolegj ka treguar se nuk po ecën me ritme të shpejt.

Po ashtu mësohet se përfaqësues të vendeve të BE kanë rritur presionin dhe ndaj politikanëve sa i takon zhbllokimit të ngërçit.-raporton gazeta Sot.

Plani i ONM dhe ai ambasadës së BE dhe asaj të SHBA është që deri në fund të vitit Këshilli i Lartë Gjyqësor dhe Këshilli i Lartë i Prokurorisë të jenë ngritur.

Më 6 shtator mbyllet gara për anëtarët e KLGJ dhe emrat që do shfaqin interes do jenë prioritarë në sitën e vetingut. Shpresat janë që deri në fund të tetorit të ketë mbaruar rivlerësimi dhe më pas deri në dhjetor të ngrihen KLGJ e KLP.

Dy muaj më pas, që i bie rreth janarit ose shkurtit SPAK dhe Byroja e Hetimit duhet të jenë ngritur dhe më pas nis goditja në nivele të larta. Plani është që deri në maj të kenë shkuar para drejtësisë disa pushtetarë të lartë, me qëllim hapjen e negociatave.





Lajmet e fundit nga