“Dënoi me vdekje të miturën”/ Gazetari akuza të rënda ndaj Qeverisë

22 Gusht 2018, 21:23, Aktualitet CNA

Gazetari Klodian Tomorri ka reaguar me anë të një postimi në rrjetet sociale në lidhje me rastin e vajzës 7-vjeçare nga Lushnja, e cila merr frymë me anë të një aparature.

Por prej 10 ditësh familjes së Stelës i është ndërprerë energjia elektrike, për shkak se familja e saj nuk ka të ardhura për ta paguar.

Sipas gazetarit mënyra se si po trajtohet Stela është njësoj sikur t’i kenë dhënë dënimin me vdekje.

?Praktikisht ky është dënim me vdekje dhe ekzekutori është qeveria?,- ka shkruar gazetari në postimin e tij.

Tomorri në postimin e tij ka përmendur edhe se shërbimi shtetëror social, institucioni që administron ndihmën shtetërore për shtresat në nevoje, i cili sipas gazetarit është shndërruar në një makineri të pamëshirshme shfarosje, që operon me metoda naziste.

Postimi i plotë i gazetarit Klodian Tomorri:

Makineria naziste e sherbimit social

Stela Dervishi eshte nje vajze vetem 7 vjec nga Lekaj e Lushnjes. Per shkak te nje semundje ne rruget e frymarrjes ajo nuk mund te marre fryme si gjithe femijet e tjere dhe ka nevoje qe disa here ne dite te perdor nje aparat te posacem, i cili funksion me energji elektrike. Por prej nje jave shteti ja ka prere dritat familjes se Steles ngaqe prinderit e saj jane te varfer dhe nuk kane para te paguaje faturen e energjise. Praktikisht ky eshte denim me vdekje dhe ekzekutori eshte qeveria.

Sherbimi shteteror social, institucioni qe administron ndihmen shteterore per shtresat ne nevoje eshte shnderruar ne nje makineri e pameshirshme shfarosje, qe operon me metoda naziste. Familja e Steles jeton ne skamje deri ne piken qe nuk mund te paguaje energjine per aparatin qe mban ne jete femijen e saj. Por as kjo nuk ka mjaftuar qe sherbimi social t?ia miratoje ndihmen ekonomike duke u kthyer ne nje gjykate qe vendos se kush jeton dhe kush jo. Biznes nazistesh.

Ne vjeshten e vitit 1939 Hitleri nisi nje program sekret te quajtur Aktion T4, i cili autorizonte mjeket gjermane te vrisnin femijet qe nuk konsideroheshin si te shendetshem fizikisht apo menderisht. Permes programit u vrane mbi 275 mije femije me eutanazi te sforcuar. Seleksionimi i femijeve behej permes nje programi te avancuar shkencor te ngritur nga Karl Brandti. Njesoj si sistemi i pikezimit qe perdor sherbimi yne social per te percaktuar se kush merr ndihme ekonomike dhe kush duhet te vdese./ CNA.al

Skandal- I ndërpresin energjinë elektrike/ 7-vjeçarja rrezikon vdekjen