web counter
LEXO PA REKLAMA!

SHKARKO APP

Kurban Bajrami/ Mijëra besimtarë falin namazin në sheshin Skëndërbej

21 Gusht 2018, 06:21, Aktualitet CNA

Besimtarët myslimanë në Shqipëri e Kosovë festojnë sot Kurban Bajramin.

Mëngjesin e sotëm mijëra besimtarë myslimanë kanë falur Kurban Bajramin në sheshin Skëndërbej. Besimtarët janë mbledhur që në orën 05:30 duke nisur namazin e sabahut dhe më pas me leximin e Kuranit dhe fjalën e kryetarit të Komunitetit Mysliman Shqiptar Skënder Bruçaj deri në orën 07:00 kur është falur namazi i Bajramit.

Në një urim për besimtarët, kreu i KMSH-së, hoxhë Skënder Bruçaj ka bërë thirrje për më shumë dashuri, mëshirë dhe bujari në mënyrë që shoqëria të mos përjetojë vuajtje dhe tragjedi.

?Le të lutemi në këto ditë të begata ky mbizotëron përkujdesja hyjnore që dashuria, mëshira, bujaria, dhe sinqeriteti të mbizotërojë në zemrat e njerëzve, në mënyrë që shoqëria jonë të mos përjetojë tragjedi dhe vuajtje.

Le t?i gëzohemi së bashku kësaj dite të begatë, në të cilën shpresat, dëshirat dhe ëndrrat tona kthehen nga i Plotfuqishmi dhe realizimi i këtyre aspiratave le të pasqyrohet në aktet dhe veprimet tona në ndihmë të atyre që kanë nevojë për ngrohtësinë, dashurinë dhe vëmendjen e të gjithëve ne.

Mirësia dhe Begatia mbretëroftë në shtëpitë dhe sofrat tona!? Hoxhë Skënder Bruçaj.

/CNA.al





Lajmet e fundit nga